Jerita Bumai Bertaun Maia Jeman Kelia.

Selamat kerebak tawas kaban samoa..
Nyadi ke pagi tu duduk bertunga ba ruai ba facebook.Berandau ke jerita suba lebuh bumai betaun ba menua Sengkala Ngerepa di bai sida niang aki Begiling.Haha..bertundi ja..rindu mai baka ba gambar tu lebuh nadai pengawa ba rumah panjai digaga pengudah ambis musim mantun umai.Nyau ga nganti musim ngetau.Nyadi munya uwai kaban,lebuh musim tu meh alai orang munya bebai baum ngiga utai ke lauk ba sungai ngau ba babas.Ni sungai maioh ikan sigi ditubai,ni kampung puang sigi di asu ngiga utai kelauk dulu sebedau atai musim ngetau padi.Nyadi kelia kitai iban kelebih bumai betaun sigi ngira bintang di langit alu sida meda bintang agai tunga matahari padam alu meda agai matahari idup,enti bintang temera ba matahari padam nya petanda empai tau muka tengalan umai alu enti bintang baka gempuru ba tunga matahari idup diak mupuk ga sida muka tengalan umai.Nyadi ila aku ngiga reti keni sida ketuai kitai suba ngiga reti pemali ba maia muka tengalan bumai alu maia ari ngetau.Kelia suba kitai iban kelebih agi maia tu maioh pengawa di adu baka ngayau enti munya amai,alu bisi ga ngatur anak belaki bebini,ngiga pemakai ba kampung puang maia nya.Ba kitai dayak kitai bisi 13 iti musim baka ba baruh tu.

1)Musim muka tengalan umai.
Musim tu alai ngiga palan bumai alu kayu ditebang alu nebas kampung puang ti ka digaga umai.Maia tu sida ketuai lemambang meda ngiga ari keleman malam nadai bulan.Ngica umai angus ditunu ila.Bulan nya dikumbai bulan Keleman.

2)musim Ngerekai Reban.
Maia tu sida nganti kereban kayu enggau rumput nya rangkai dulu nitih ke ari kemarau.Sida lemambang ngira bintang gempuru ba atas langit.Ngica kereban enda ngacau padi murai betelesak.

3)Musim Nunu.
Sereta kereban kayu enggau rumput udah mati udah rangkai,diak umai alu ditunu.Maia tu bala lemambang ngiga bintang temera ba langit ngica api ditunu alu temera kin kia makai rumput makai kayu ti udah mati ditebang direkai

4)Musim Ngeredak Reban ba Umai.
Udah umai ditunu bisi takah seminggu diak kereban kayu ke enda angus tauka kayu besai tadi alu dibelat agai lebak umai ngica enda ngacau maia nugal maia nanam padi.Bintang gempuru digiga.

5)Musim Nugal.
Maia tu urang nugal nitih ari ketuai lemambang ngira bintang,ngira bulan.Sida ngira bintang tunga matahari mati enggau idup.Nyadi sida ngira anak bulan pansut sida bepun nugal.Enti nugal maia bulan keleman enda tau laban maia nya enda manah.Musim nugal dikira Pengepun Bulan.

6)Musim mantun.
Musim tu udah padi tumbuh alu bisi rumput tumbuh nyau nyelepak penumbuh padi.Nyadi rumput tadi alu dibantun.Maia tu lemambang meda bulan keleman alu baru tau mantun umai ngica rumput nadai tumbuh agi nyelepak penumbuh padi.

7)Musim Lingkau.
Musim nanam jagung nanam lingkau ngica jelu enda nujah ke tengah umai ngacau padi ti murai nyadi.Bisi ga sida nyeretai nanam lingkau maia nugal umai nanam padi.Ba lemambang kelia utai tu enda tau diseretai nanam padi laban rumput rindu begulai enggau lingkau nya meh ngasuh umai maioh rumput ngelaban padi.maia nanam lingkau maia bulan kembung ngica buah ia besai sereta berat.

7)Musim Diau.
Pengudah musim Lingkau diak sida diau bisi seminggu alu setat ngaga keresa baka ngaga tikai,giling bidai,lanji,pukat,bubu tauka panjuk sereta ngaga ketap.Maia tu musim ngaga pperengka kena ngetau.Alu ngaga tibang padu kena nyimpan padi ila..

8)Musim Ujan.
Musim maia penatai musim ujan diak sida ketuai bebai ngaga perau alu nebang kayu ke besai ba ulu sungai alu dirakit danyut ke ili alu datai ba pemendai rumah panjai sereta ditancang alu pagila lusa mupuk meh sida ia begaga ke perau panjai.

9)Musim Nungkun Umai.
Maia tu umai mesti ditandang diperesa alu sida nungkun api ngelinggi tebing umai ngica jelu kampung puang enda ngacau padi ba umai.Anak pun bulan digiga maia tu ngica padi bagak tumbuh nyadi.

10)Musim Begiga Ngasu.
Maia tu meh sida ba rumah panjai alu baum begiga nubai ikan,ngasu ke kampung puang.Ikan ngau jelu di ulih di salai enggau dikasam nyadi kelauk maia musim ngetau.Maia tu ti kelia menya sigi manah alai ngayau ngiga munsuh.

11)Musim Ngetau.
Musim tu dikumbai musim Bulan Bergantung Senduk laban maia tu sida enda ulih bejalai kabukai mina ngetau padi aja,alu sida belauk ari kasam,salai,utai dulih panjuk tauka bubu aja.maia musim ngetau sigi nganti bulan kembung alu dikira ari bintang ti gempuru ba tunga matahari padam alu bintang temera ba matahari tumbuh maia mlm.Ti kenya bintang enggau bulan dipeda alu tawak dipangkung alu tuai rumah ngemmai sida sarumah bepun ngetau pagila enti padi udah mansau tau diketau.

12)Musim Ngerekai Padi.
Maia tu padi udah diketau alu ditungko dikerekai nya alai padi dijembi naka pengerangkai alu dkebau kena muai ampas padi udah nya alu ditepu ba tibang padi.

13)Musim Gawai Padi.
Maia tu kitai dayak alu begawai ngintu penatai padi baru ngintu penatai berau baru dempa sida ia.Sebedau ngintu gawai tu diak sida ketuai ngemai bala ia begiga utai kelauk belah sungai belah kampung puang.Maia tu dikumbai Penatai Taun Baru.Bisi ga madah maia tu Taun Gawai Berjadi ia nya bulan bala bujang dara diberi jadi melaki bini.

Sapa ngumbai kitai dayak nadai nemu ngira ari ngira jam tau ja kitak madah agai aku,ku ka meri ia kaunseling percuma aja.Kitai Dayak meh ti dulu meramal utai nyadi ka datai.Alu ba saintis kitai dayak nemu nguna jam dulu agi,nemu nguna perubatan tradisional ti merubat orang sakit semina penngudah jeman 1800 kitai asal perubatan kitai dayak lenyau selenyau ketegal suah berpindah.Ku agi nyidik misteri pengaruh besai ba kitai iban ti ulih neresa sitik menua enggau jampat.Ti kitak tetemu kenya tau madah ke ku.Pemintas Jalai Pemandak Menua.Sapa madah pengarap lama nya berantu kitak tau nanya aku enti kitak sembiang tadi enda faham reti pengarap lama.Neyyyy enda rerangap Engkulik meda aku landik agi nengkebang pengarap lama kitai dayak enggau silik.Ku ribai mix iban nemu agi reti pengarap lama enda patut dayak chulin ti madah pengarap lama nya berantu enda ulih nemu reti pengarap lama neh kaban.Ga kitai ngiga reti silik sebedau bejako ngapa.