Jerita Jeniah Bercabang Lidah part 28.

Udah sida sabuat danjung atai pintu kuta pintu pemisah entara dunya bunian enggau dunya nyata diak sabuat ngelambai jari agai sida Andak Segatak,seretai pintu kuta ditutup diak sida sabuat meda dunya nyata kampung puang tak nadai agi dunya sida Andak Segatak dipeda mata.Sida sabuat alu rerangap aja alu nurun ari emperan tengan bukit tinggi tadi ngemulai kediri agai menua sida ba Batang Mandai.Datai ba pemendai diak sabuat mandi dulu tang terkenyit meda sekayu menua Batang Mandai nyau berlanda nuju sida empat ti benung kisuk mandi ba sungai.Datai sida ari atas tadi alu engkecit tudah Kisuh alu merap Jeniah enggau Guntur,alu pia mega indai Kucai alu merap Kucai sereta Kuring diberap apai ia Mengai ulun sida Jeniah tadi.Meda penyelai utai nyadi diak sida empat tadi sama rerangap meda utai kenya nyadi alu Guntur nanya kabuah apai ia Kisuh enggau indai ia Sulie bangat enda betah sida bakanya.Diak Kisuh madah sida sabuat udah lama nadai ditemu berita bisi 3 bulan ko Kisuh madah.Jeniah,Guntur,Kucai,enggau Kuring nyau rerangap ninga utai dipadah Kisuh tadi.Enda patut ko Kucai bejako,sida ia mina bermalam 3 malam 2 ari aja ba menua Tinting Putus ko Kucai nusi agai bala maioh ba diak.Tang Jeniah nemu reti utai nya laban Jeniah nemu dunya latong dunya bunian sigi baka nya magang ko ati ia din laban ia ulih ngasai utai nya ba din.Semina sida 3 aja enda ngasai utai nya.Nama agi deh sida sabuat dibai orang niki ke rumah panjai.Semalam malam nya meh tudah Guntur,Kucai enggau Kuring nusi jerita penyelai menua ditengah sida empat kemari.Nyadi lebuh malam maioh meh sida ba menua ngerandau bakani menua sida Andak Segatak ngujung nyau ka jauh malam diak semua dayak alu tinduk ninting malam.Lebuh tindok diak Jeniah terkenyap mata alu bermimpi bertemu enggau Andak Segatak.Nyadi ba dalam mimpi nya diak Jeniah bisi meda Guntur,Kucai,enggau Kuring ti sama enggau ia nangkan bejalai nitih Andak Segatak niki Bukit Tinggi ti diuan Bunsu Gerasi.Nyadi ba dalam mimpi diak Jeniah bertemu enggau Tuai Bunsu Gerasi ti madah enti mensia ngapa niki Bukit Tinggi sigi dempa ia,tang ketegal sida dulu Andak Segatak diak ia enggai makai sida ia.Diak Tuai Bunsu Gerasi madah ke mensia baka tu,kami antu nadai bumai baka kitak mensia nya alai penti pemali dajar aku tu anang enda kitak nusi agai mensia baruh ari ngica aku enda saru penemu ka makai kitak.Nyadi Tuai Bunsu Gerasi alu nusi penti pemali kampung puang ti meri sida antu gerasi ringat.Udah dajar penti pemali nya ambis dipadah Tuai Bunsu Gerasi diak Jeniah terdani ari tindok.Diak ngeleda dani alu meda ari udah pagi.Nyadi ke pagi nya diak Jeniah terkenyit ninga Kuring nunga ia ke tindok alu nusi mimpi ti sama baka enggi Jeniah alu pia mega Guntur bisi mgelawa padung Jeniah pen nusi mimpi ti sama aja.

Atai Kucai ba padung Jeniah diak Kucai tucum meda tiga tadi benung berandau ba diak alu Kucai nusi mimpi diri.Nama agi deh chapoh meh sida sabuat tadi berandau ngenang mimpi.Diak madik Jeniah ke benama Imban ngampir enggau sida empat berandau tadi,diak Imban nyimpan ati ka enggau Jeniah ila bejalai laban ka ngulih penemu ari Jeniah ti biak ari ia.Ba kenang orang tuai Imban tu meh nyadi manang ti bisa kelia ti ulih nemu ngira musim ari bintang ngira jam sari semalam alu ngajar kitai dayak reti penti pemali ba rumah panjai.Ba kenang aki tuai Kuling nyadi Imban tu dulu ngepun mungkal kitai damping enggau semengat orang parai ba sebayan alu pia mega Imban tu meh ti dulu nimang dulu nengkebang tiun tawak kuntau enggau tiun gendang taboh.Nyadi Kuring tu mega pemungkal kitai mensia beribun ke jelu tupi baka janik,manuk sabung,enggau nginang burung.Kucai mega ngajar kitai dayak ba senentang ngentak rumah panjai alu Guntur ngajar kitai dayak ngayau ti nadai ditemu bekau ba kampung puang alu Jeniah ngajar reti pengidup ngayau,ngaga perau,sereta pengidup beburung.Alu dahnya ditampung sida kabukai nitih peturun cabang bansa dayak.Nya meh kabuah adat kitai ti dipansik amai ka sama magang laban acuan ia ari 5 iko pengayau tuai kitai dayak ti mungkal nguan Batang Mandai alu dipeturun agai peturun bansa diri agi munya kelia.Nyadi kelia kitai Dayak kemaioh agi beridup sejalai sebedau kitai pambar pengudah pemati Jeniah ensumbar Lidah Bepangga Mela Nyengga Ngerua Enti Ngeludah Sigi Mati Munsuh Aja.

Jerita Jeniah Bercabang Lidah part 27.

Saduai ia berandau nyau tuchum tuchum meda ulah jegak mensia mit ke nembiak ti rindu begagai bertundi enggau Kucai saduai Kuring.Chapoh aja ke pagi nya laban sera nyawa anembiak mensia mit ti ketawa engkakah ti rindu begagai enggau Kucai saduai Kuring.Bisi sepapong insap derukuk ambis diak Jeniah dipeda Guntur bejalai nuju saduai ia Andak Segatak.Nyadi Andak Segatak madah enti Jeniah ulih anang sekali sida ia ngasu ke Bukit Tinggi Mali laban ba din Raja Gerasi Langit ti ngempu menua.Diak Jeniah madah auk aja sereta nanya ba Andak Segatak,nama kampung puang kampung jerung nadai didinga bisi jelu ko ia nanya Andak Segatak.Diak Andak Segatak madah semoa jelu nya belalai ari disumpit Jeniah ti nangkin ilang semengat mensia sereta semengat utai idup ba dunya tu.Nya alai semua utai idup ba kampung puang sigi lari ari ditemu Jeniah takut disumpit dipakai Jeniah.Diak Andak Segatak ngemai sida agai kandang jelu ti dinang sida ia ba kampung puang alu Andak Segatak madah enti Jeniah ka ngasu,tanah mesti ditempap ia tujuh kali ba peniki nyingkang kaki ke tanah alai ia ngasu ngica Andak Segatak ulih ngelepau jelu utai dipinta Jeniah ti ngiga dagin jelu.Datai ba kandang burung sempidan diak Andak Segatak ngasuh Jeniah,Guntur,Kucai enggau Kuring milih kediri ni bagi burung sempidan ti ka dibunuh dipakai sida ia.Diak sida sabuat milih kediri empu meh tadi tang penyelai ia tiap kali sida nunjuk ni bagi burung sempidan ka dipakai ka dibai pulai tak kenjing kenjing burung sempidan nya nuju agai sida ia alu ngali kediri ba senentang bermua sida ia.

Atai ba sida Jeniah tadi diak burung sempidan ngali kediri baka minta disayat sida Jeniah.Meda utai bangat ngemuntang nya diak Kuring alu nyayat senyayat ni bagi burung sempidan dipilih Jeniah enggau Kucai.Bisi bebelas iko burung sempidan disayat alu sida ia bado agi milih burung sempidan,alu nuju kandang jani kampung puang alu kenya ga jani tadi ni bagi dipilih disayat sigi mansang kediri agai sida Jeniah alu ngali kediri minta disayat.Nyadi pengudah pulai ari kandang jelu kampung puang diak sida sabuat alu nyalai dagin nya magang laban pagila sida sabuat ka pulai agai menua diri.Salai dagin di intu bala Andak Segatak alu sida Jeniah ngirup ai tuak enggau Andak Segatak sereta sida kabukai.Enyau malam ari nya baru sida tadi tindok ngemai pala tetengut palau.Tumu pagi Jeniah dani alu ngerak akak ia Guntur,Kucai enggau Kuring alu ngasuh sida ia nengkira pulai ke menua diri.Udah engkira diak sabuat terkenyit meda salai dagin udah ditungkus enggau daun alu udah ditepu ba lanji sida sabuat tadi.Pengudah nya sida alu pansut ari bilik penindok alu terkenyit meda mensia mit ti berpantun beserara enggau sinu ati,diak Andak Segatak merap Jeniah alu merap Guntur,Kucai enggau Kuring.Datai ba merap Kuring diak Andak Segatak betusi enggau Kuring,ia ngasuh Kuring nyaga Jeniah enggau manah sereta anang ngelaban jako Jeniah laban mina Jeniah aja ulih beridup enggau sida ia ke nyadi ulun.Diak Kuring madah au laban ia nemu maioh orang dayak ba menua din bisi jai enggau ulun sida ia.

Jerita Jeniah Bercabang Lidah part 26.

Pengudah makai sida sabuat alu berlubah lubah niki bukit laban ngenangi ke jelu lari ninga derap kaki sida sabuat mansa kampung puang.Datai sida sabuat ba emperan tengan bukit diak Jeniah enda berasai nyamai ati baka sida benung diperati ke orang bukai,Kucai alu nawih tengan bahu Jeniah alu madah ngena jari bisi orang benung ngemata merati pejalai sida ia tadi.Diak sabuat ngetu alu Kucai nyerauh ngasuh orang nya pansut ari belalai merati sida ia.Tak terkenyit sida meda mensia baka anak mit pansut ari selepak batu alu batu nya tadi angkat nyadi orang,naka pemaioh mensia mit melulung sida sabuat tadi diak Jeniah nyintak ilang ia sereta meda ilang nya tadi diak mensia mit ti tuai mua ia alu ngasuh sida kabukai anang mansang ngampir sida Jeniah tadi.Diak apai tuai mensia mit tadi alu nanya sapa bagi anak mensia ti ngembuan ilang celum Sempulang Gana ti bangat meri bulu peguk bediri darah asai berangat.Diak Jeniah madah penama diri alu madah penama orang ke enggau ia.Sereta ninga penama Jeniah diak apai tuai mensia mit tadi alu ngenung sereta mensia mit kabukai alu nunduk kepala tanda meri basa agai Jeniah.Jeniah alu nanya sapa penama apai tuai nya tadi diak apai nya madah penama ia Andak Segatak ketuai bunian mensia mit ba emperan bukit.Diak Jeniah alu tuchum ninga penama Andak Segatak ti beberita ba ensera ketuai suba sereta ia nemu Andak Segatak tu ripih orang Panggau Libau.Meda baka nya saduai ia alu betabi jari alu Andak Segatak nanya nama pejalai sida sabuat ngeyauh nya tesat lendat.

Diak Jeniah madah ia ngiga burung sempidan laban ia tetengguk ka makai dagin burung sempidan.Meda baka nya diak Andak Segatak ngemai sida ia tama agai menua sida Andak Segatak ba Tinting Putus kin.Meda kenya diak sabuat pen alu nitih pejalai Andak Segatak kin,tak tama aja sida sabuat nyau terkenyit sida sabuat rampa menua Tinting Putus naka pemanah.Bungai baka rumput,menua nya cukup manah dipeda mata sida sabuat.Sereta sida datai ba kota Andak Segatak diak Jeniah lama ngenung meda Kota Andak Segatak digaga ari batu berdinding batu berukir naka pemanah.Pemaioh mensia mit ngambat penatai sida sabuat naka pemaioh nya alu pejalai sida ditabur ngena bungai.Datai ba dalam kota diak Jeniah enggau Guntur,Kucai enggau  Kuring dasuh ngalu tama ke rumah batu baka istana Andak Segatak tadi.Gaga meh Andak Segatak laban bisi temuai mensia ke beberita ti ditulung Sempulang Gana Dewa Entara Menua enggau Senggalang Burung Dewa Besai Baruh Dunya sereta ditulong sida ari Panggau Libau enggau Gelong.Datai ba istana Andak Segatak sida sabuat diberi makai berlauk ke dagin burung sempidan.Udah makai diak sabuat alu dibantai asal kajat sida Andak Segatak alu sida sabuat ngirup ai tuak nyentuk ke tengah malam.Nyadi udah nyau palau alu tindok sida sabuat alu ke pagi ari diak dulu Kucai enggau Kuring mandi ba ai terejun damping ari kota Andak Segatak.Tudah Jeniah agi melukuk laban ari agi celap ke pagi nya.Akak ia Guntur tembu berandau enggau Andak Segatak ba batu besai ti  baka kena pansap ba damping ai terejun.Pagila ku nampung baru au kaban.Tucum selalu.

Jerita Jeniah Bercabang Lidah part 25.

Tumu pagi sitik diak Jeniah ngemai Kuring nurun begagai ba kampung puang laban lama udah Jeniah tetenguk ka makai burung sempidan enggau burung ruai.Nyadi alu engkira meh tudah Kuring alu ngemai perengka baka sumpit,laja ipoh,duku,batu tekih,enggau kabukai.Amai Jeniah agi nembiak tang Kuring meruan bebasa sereta sayau ke Jeniah laban Jeniah tu bisi ngembuan ati ti nelap sereta rindu bebakih enggau bala ulun ia.Nyadi sida Jeniah sebilik sigi di sayau bala ulun sida ia laban sida sebiliknya cukup mentas.Pemanah Kisuh enggau sida ia baka sida ulun nya sebilik enggau sida ia empu.Meda Jeniah nurun bejalai ngenumu pagi nya diak Guntur alu engkecit ari padung tindok enggau jampat alu nawing Jeniah alu madah ka enggau Jeniah.Diak gaga meh ati Jeniah meda akak ia Guntur enggau,alu terkenyit saduai meda Kucai pen ari seberai reraoh madah ka enggau saduai.Nama agi deh alu segulai meh sida empat tadi nurun ke ulu Sungai.Datai din diak Jeniah ngabas bubu ditan ia kemari,tak naka pemaioh ulih bubu nya tadi baka empurau,semah,tengadak,lelabi,enggau utai kabukai meh ulih bubu nya tadi.Naka pengaga ati sida sabuat tadi laban bubu ke udah di abas tadi nyau bulih utai ngemaioh nya nyau chundung tubuh Kuring ngema uyut sereta ribih ikan dulih bubu tadi.Nyau kasih tudah Kucai meda nya tadi alu madah ke Kuring ia ka ngema uyut nya tadi.Tak muntang Kucai ngema uyut nya tadi,ni enda laban Kucai betubuh besai sereta kering enggau tinggi agi.Pengudahnya diak sabuat alu ngintu ikan ba karangan sungai alu begiga ka buluh kena mansuh asi pulut enggau ikan sereta lelabi ke dulih bubu tadi nyadi ke dempa ke tengahari negi.

Sida sabuat ngiga kayu rangkai enggau rumut jurai kayu pansap alu ngiga buk aping kena ngidup ke api.Udah nya alu diak Kuring atai ngemai ai isi pun pajik ti dulih ia tadi.Seretai nekih batu tekih api diak api alu idup mimit alu dipanjah Kuring ngena ai isi pun pajik ba api tadi peda api nyau ngebop besai.Nama agi deh tak ditugung sida sabuat meh kayu ke rangkai tadi alu idup manah api,seretai api idup manah diak pansuh ikan alu dasur ke api,ikan kaduak ditunu,alu Guntur kisuk ngaga tempara dapur kena nyalai ikan.Pengudah pansuh mansau diak sida sabuat alu makai laban ka nyumpit ngiga burung sempidan.Diak ikan disalai pen mansau disalai alu sida sabuat mupuk bejalai ke kampung puang ngiga burung sempidan.Ambis resam ditengah ambis kampung puang diredah,nadai ga terpeda ke siku burung,tak sunyi kampung puang baka nadai jelu ba menua nya.Pemuas sida begiga ke jelu ti nadai ditemu diak sabuat ngetu ba anak sungai alu duduk baru alu makai.Lebuh makai diak Jeniah ngasuh akak ia Guntur,Kucai enggau Kuring nya tadi pulai ke rumah alu Jeniah madah ka bemalam ba kampung puang seagi empai terulih ke burung sempidan nya tadi.Diak dulu Kucai nyaut madah enggai pulai ke rumah panjai alu pia mega timbal Guntur enggau Kuring tadi.Meda sida tiga enggai pulai  diak Jeniah tuchum aja laban ia ka ngemai sida sabuat niki bukit ti tinggi pengudah makai tengahari kediato.Diak ninga Jeniah ngemai kenya diak ati Kuring berasai gaga laban nya terubah ia begulai enggau Jeniah jauh begiga ke lauk naka penyauh nya agai kampung puang ti nadai dikembuan mensia.

Jerita Bejalai Ba Kampung Puang.

Cherita antu tu bisi kena pansa pending aku maya aku agi mit suba baka ke ditusi aki aku empu maia aku agi mit suba. Nyadi cherita tu nyadi ba aki aku empu maya iya agi bujang. Nyadi dulu kelia, orang Tapang Lancham agi diau ba rumah lama kami suba di ulu Tapang Lancham din menya gik, entara menua enggau Musah kediato.Diatu menua nya dikumbai Tembawai Jugo. Nyadi sekali, aki aku,petunggal ia, enggau menyadi iya sereta apai tuai aku empu to bebai begiga ke gaharu enggau entemu bisa agai Tembawai Lama ba menua Ulu Sungai Katibas dikena ngaga ubat,sereta begiga utai dempa meh. Kenu ko orang tuai, menua Ulu Katibas tu endang sigi menua ti bisi utai nyelai nyentuk kediato. Ba menua nya orang selalu ninga tauka tepedaka antu enti mulut bangat maioh utai sebut sereta menua to agi latong nadai kala alai mensia diau.Datai sida empat ba Ulu Katibas, sida lalu berengkah ngiga gaharu enggau narit wie sega ke manah manah.Benung ke kisuk begigaka kayu gaharu nya,diak meh sida tiga bisi ninga munyi orang ngangau ke sida empat ia. Dia aki lalu nyaut kangau orang nya, tang sida nadai meda orang bukai kelimpah ari sida empat ia tadi. Meda baka nya, sida empat pan enda ibuh ke utai nya agi tang kangau orang nya tadi tak majak meruan didinga sida empat tadi. Meda baka nya, sida empat sama ngetu enda engkeretik laban sama belabaka kangau nya sigi kangau antu.Tak enda mukai-mukai dinga sida empat tak terkenyit ninga puchuk kayu tak memunyi ke dipangka ka kudi,nyau beguyap baka ke digosak.Sida empat alu malik katas puchuk kayu, peda antu tak benung ragau-ragau naka pemesai.Dipeda sida empa baju antu nya bechura kuning lalu sirat dikena iya semina nyeruntai labuh kebaruh. Meda utai baka nya,diak apai aki tadi lalu nimbak antu nya ngujung ke antu nya lesap.Udah nya, sida empat sama bebai pulai lalu sama bepekat enda tau nusui utai ke nyadi nya ngagai orang bukai.Malam nya, aki tuai lalu bemimpi
betemu enggau niang aki Rundi.Ba mimpi nya apai Rundi madahka iya meh ke muru sida empat lari laban bala kaban antu udah bebai deka ngulihka sida empat ia laban sida empat ia tadi enda ngenduh ari ngereja pengawa maia ari ujan nyala.Diak niang aki Rundi alu berubah bebali nyadi burung tiong aku terebai ke langit mingkai.Kira takah sari udahnya diak meh aki aku bisi mimpi bertemu enggau bunsu gerasi ti ngumbai diri Lenggie,ia madah agai aki enti apai aki ku nya tadi enda nimbak sida ia bisi endar sida dulih bala antu gerasi nya tadi,bepun ari to ko antu gerasi nya "kitak enda tau buya sekali enggau makai buah kemunting enti enda piak kita ka nyadi antu baka aku sumur pengidup kitak ko antu gerasi nyumpah peturun aki to tadi.Enti kitak bejalai lebuh ari ujan enti bisi meda daun kemunting tau dilurut kitak buah ia alu dipudo ke lengan tauka kaki ngica kami nemu kitak to bala aku empu,enti kitak mensia kabukai tau ngena rumput raras diselit ba pending ngica kami nemu kitak purih aku.Enti kitak ba belangkau kitak tau nyelit daun buluh datas langkau ngica kami nemu nya tinja kitak laban kami takut ke daun buluh diselit sengapa".Pengudah bekau ia bemimpi utai nya tadi,tudah aki pan enyau sakit balat nyentukka enyau ka parai. Iya selalu amat chelap bulu sereta semampai enda lantang ati. Meda iya baka nya, diak sida niang aki tuai lalu belian berubat ngambi semengat tudah aki tadi. Nyau kedua kali belian berubat nya baru iya gerai baka selama.Nya alai, enti kitai bejalai di kampung jerung enti nyema kitai bisi ninga orang ngangau, lalu batang tubuh orang nya nadai dipeda,kitai anang sekali-kali nyaut kangau orang nya.Enti ia ngangau nama kitai ari tinting kitai alu pulai ngili ai anang nengah jalai darat ti ti jauh maia pulai,kitak tau mandi dulu alu begadai pulai nebing sungai laban bekau kaki kitai enda ulih disidik utai jai bakanya.Enti berkangau ngena ooooitttt tau ga berewitttt laban nya nanda kitai ke nyaut ngau ngangau nya mensia amai.Enti bisi pun buluh tau berlindung ba baruh nya kitak lebuh maia ujan nyala ngica antu gerasi ti ngasu enggai mansa nya laban keno ia pun buluh nya tinja duri ti ngasuh ia telih.

Jerita Ngelesik Ke Ati.

Maia tahun 1990 kenya nyadi bisi sitik menua to ba Kapit din,menua dilalai laban ku ninga jerita ari siko orang tuai ti  meri nama ia Ikong(nama samaran).Maia nya ia nitih aya ku pulai ke Kuching taun to kemari laban ka berubat nyuman kediri ba manang bangsa dayak ari Batang Engkarie ti bisi agai kami kia laban manang ukai orang bukai sigi bala kami empu.Nyadi apai tuai bejerita pasal penyelai menua ia ba Kapit din.Nyadi baka to jerita ia.Aaaa..bado nginsap kaban kito ninga jerita ku dulu.Ni kitak ke indu kito dulu negi berapi au.Nyadi maia tahun 1990 ia bisi bejalai agai kulu sungai menua sida ia ba din.Nyadi tumu pagi nya ia nurun ngemai bekal ngemai ati andal sereta engkira ngiga utai ke lauk laban enda lama nyau musim ngetau nyau nadai ari ngiga lauk pia meh ko ati ia empu.Ka ngaga salai enggau kasam meh ko tudah ia madah.Nyadi pagi nya ia nurun ngena perau sual alu ngemai ukoi 2 iko ia nya tadi.Besual meh tudah tuai tadi nuju kulu sungai nyau bisi ngempat jam baru atai ba dulu sungai ti dituju ia empu.Datai din alu nibar ke jala tudah tuai  alu ngetan ginti tambih tauka ginti tan ba genap lubang batu ngica bulih ikan keli sungai.Atai ba lubuk mit alu nginti ga tudah tuai,atai ba rantau alu nyala ngulih ke ikan kulung sereta ngetan ngumpan tekuyung.Nyau kiruh begiga kelauk diak tudah tuai berasai rapal alu ngetu alu bebela ke lauk ia empu ke tengahari nya tadi.Udah meruti ikan enseluai di ulih alu dcampur enggau daun riang,alu dipansuh ia ba unggun api ti digaga ia tadi.Nama deh tak kenyang indah meh tudah ia makai.Nyau berkenang tudah aku,ba kampung puang sigi nyamai makai utai baka to,ka garam ka belacan ka utai bukai dikelauk ba kampung puang sigi kenyang manah kitai makai.Ku kala nyepi utai baka to maia agi mit alu pengudah bebini baka kediato ku kala enggau entua ku enggau bala kebukai lepak ba kampung puang begiga utai lauk babas baka kemiding enggau pako.Pulai agai jerita Ikong tadi,udah makai diak ia duduk berlelak dulu ari pengenyang tadi.Tak enda berasai bulu peguk ia niki alu asai baka diperati ke orang ari ulu.Malik ia kulu nadai ga orang dipeda tang uduk ia majak nyalak kulu.Uduk ia tadi tak bepusing musin tubuh ia maia nyalak kulu.Nyau meda utai kenya diak ia alu angkat ari duduk alu jampat jampat nyengkau senapang alu nepo ke seterum leka ballshot.Ikong alu beguai bejalai kili.Jari sepiak muat ginti alu sepiak megai senapang.Ikan keli dulih ginti tak tepo ja ba uyut ti dibai ia tadi enda dingkas ari ginti.Tekuyung ti nutu umpan diraup aja enda dipilih ia.nyadi ukoi tadi majak nyalak kulu.Sepik ia asai bisi utai nitih ke ia nyau damping ari ia laban ukoi ia nyalak agai tebiang ti endur ia ngetan ginti tan tadi.Seretai ia muat ginti tak terkenyit ia ninga tebiang ba belakang ia baka dibelat kayu alu engkecit tudah tuai Ikong ke tisi alu muka penchak alu seretai kuntau dam dam dibuka tudah tuai ia laban ka ngetan diri,seretai ia muka nyaia alu nyengkau senapang alu nimbak kelangit.Terkaoh munyi nya tang lebuh ia nurun ke senapang ia kebaruh ia terkenyit meda utai segala kira mesai pala patung ti berchurak kuning ti bisi ngimbai ukoi ia tadi.Ukoi ia jinak mai enggau utai segalanya tadi.Ia baka buah bol tang berchurak kuning emas sereta churak ia nemu betukar nyadi ijau nyadi mansau nyadi burak.Meda utai kenya ia enda kakang kakang ati alu nyintak duku ia alu mantap utai segala nya tadi tang mata duku nyau bilot tauka baka mantap besi,diperati ia manah utai nya tadi peda ia besisik besai tiga tunjuk tang kira seminit utai nadai bersisik dahnya.Meda utai nyelai tadi ia alu nyipak utai segala nya tadi alu ia meda utai bisi  sayap alu terebai alu perenching nadai dipeda Ikong agi.Ba kenang aya manang ti kia tadi utai segalanya meh pengaruh bisa ti dikumbai Pemintas Jalai Pemandak Menua ti kala dempu niang Balang ti diberi Sempulang Gana ngica maia Balang bejalai ulih mandak ke ari mandak ke jam ia maia bejalai.Pejalai orang bisi ngembuan to cukup pengelaju naka peneras,ketemu aya Manang to mina orang Nanga Yong bisi ngembuan to suba,maia pagi ia birak ke bukit Guram maia ia pulai ia ngemai daun biro ari bukit guram.Menya mina Bukit Guram ja bisi daun biro.Ari nanga Yong bejalai nuju Bukit Guram dahnya ia pulai baru agai Nanga Yong mina sejam aja.Penjauh bukit Guram enti bejalai kaki nyau bisi ka ngempat ari keno ko orang tuai nusi.Tudah aku rerangap enda nyangka bisi amai utai baka ba dunya kitai ba Sarawak din.Nya meh tudah Ikong nyau ngeaih udah ia nemu utai nya bisi penguntung ba ia empu.Keno ko aya Manang nya ia nusi pengaruh to meh kena Balang megong ke Panggau Libau.Tang pengaruh to lenyau lebuh Balang nemu bisi orang bingking ati enggau ia alu ka ngambi pengaruh to ari ia.Balang ngasuh pengaruh to terebai lebuh ia ba rumah pasung ba Sibu maia nya.Nyadi ti kitak tetemu utai baka to,anang takut ia atai nulung kitak.Pulai agai jerita Ikong tadi pengudah ia nyipak utai segalanya tadi ia alu mudik kili baru.Datai ba perau ia tadi ia alu muka tali perau ti ditancang ia pun kayu ensurai alu mupuk meh tudah ia bersual pulai ke rumah panjai.Enda mukai mukai ia terpeda ke siko jani tak ngelayang ai sungai diak alu ngangkat senapang ia alu engkecit ari perau alu sereta dah nanam diri ia alu nimbak jani nya ti benung niki tebiang.Nama deh bulih meh ia babi nya tadi.Alu dipanggai Ikong ba perau sual tadi.Udah ia mupuk baru enggau naka ulih jampat laban ka ngerumban ari.Tak enda mukai mukai,ujan nyala alu nyadi ba senentang rantau batu kudik.Nyadi ia ngetu dulu laban nitih penti pemali kitai mesti ngetu enda lama ba endur ujan nyala nya ti kena ujan nyala maianya.Nyadi Ikong pen ngeranggar perau ia agai batu kerangan,ia nyengkau rumput raras alu diselit ia ba pending alu nuduk kediri ba baruh pun buluh,enda mukai mukai ukoi ia nekus,kekaih sereta iko ukoi nya tadi engkilong tauka begulung alu gegetak tubuh ukoi ia tadi,sereta ukoi baka ke takut alu ngerimbai Ikong ke duduk tadi.Seretai nya ukoi ia ti benama Makop ngali ngimbai tisi ia tak dinga Ikong munyi utai nyalak naka pengingar ari ili ia ke duduk tadi.Salak utai baka salak ukoi tang pengingar ia naka pengingar.Sepik Ikong nyau berasai pala ia baka pemesai,bulu peguk tak ngerinjing alu semua bulu tubuh ia tak niki magang.Ati Ikong enda ibuh tunda agi tak ngengam semengat tudah tuai.Ikong nemu nya meh munyi ukoi antu gerasi ti ngasu mensia ti dberi nama Ijih.Seretai ukoi ngetu nyalak diak Ikong bisi terpeda 4 iko mensia pansut ari nanga sungai ari ulu ia.Peda ia mensia 4 iko nya tadi ari jauh tak berupai nyelai mina ngena sirat sereta ngesan utai.Nyadi mensia nya tadi tak ngengkah utai nya kira tangkah serantau pandak ari Ikong ti belalai ba pun ensurai ti ngimbai pun buluh tadi.Puas Ikong berati nama utai disan ia tadi.Tak ngapo enda bejako tudah ia tak meda tanah aya ia ba rumah panjai din tak diperuti alu ditisir di intu orang 4 iko nya tadi.Tak murus dada tudah Ikong.Bisi setengah tudah Ikong nganti orang nya ngelebus  ari ngintu utai nya tadi ia alu mupuk beguai pulai ke rumah panjai.Datai dirumah panjai ia ninga sida ke indu nyabak magang.Nemu meh tudah Ikong nya gerenti nyabak ke aya ia ti parai ngenyit ba rumah panjai.Nyadi aya ia tadi bisi buya enda nego alu bisi matah daun empasa maia ujan nyala tadi diak kena ulih antu gerasi ti nurun ngasu..Nyadi menua to bedau agi bisi penti pemali baka to.

Penti Pemali Ba Kampung Puang.

Jerita Penti Pemali Mancing Pala Ular.Jerita tuai penti pemali kemik mancing pala ular.Agi suba kira tahun tahun 1980 an bakanya.Nyadi bisi orang penatai begiga ke Ulu Katibas maianya kira sepuluh buah perau sida ia to kulu kin begiga,nyadi maioh sida to atai kin tadi begiga ke ikan,babi enggau utai bukai meh laban menya agi nadai orang betagang begiga utai ba kampung puang janji madah aja agai Tuai Rumah ti ngempu menua sigi dasuh orang aja sida ia kia laban kelia nadai Sistem Tagang baka kediato.Sistem Tagang keterubah nyadi ba menua Sungai Tisa ba Kapit din ti ngetan orang maioh begiga utai hidupan liar ngau peneka ati.Pulai agai jerita tadi atai ba ulu Katibas diak sida sabuat begaga ke langkau naka pemanjai nebing emperan.Mula ia sida ka ngaga langkau kena tumpu nanga sungai yang orang tuai madah pemali nya,ba penemu orang tuai kelia kitai enda tau ngaga langkau tumpu ai sungai tauka enda tau tindok ba karangan kena tumpu ai sungai ba nanga sungai nya tadi laban kelia kala nyadi kitai dayak mati dicekak antu raya laban ngempang pejalai ia,baka antu Ranggau enggau Gelayan sigi ka munuh kitai mensia ti tindok ba karangan tumpu ai sungai ba nanga
sungai.Anang encuba kaban ulih bebadi kitai laban utai to,ga ti ka tindok tau kulu gik ari nanga sungai tauka kili ai ari nanga sungai nya tadi.Pulai agai jerita pun tadi,nyadi bisi siko antara sida ia ngaga langkau ngempang jalai bedarat kaki tang di lara orang ketuai ia enggai ninga majak ke runding ia aja.Meda bakanya lak ke orang tuai aja laban orang tuai nemu ia bisi pengering ko ia meh nya.Udah sida begaga tempara kena nyalai utai sereta tembu begiga ke kayu nyadi ke unggun api diak sida begiga utai kelauk dulu sereta ia ke enda enggau tadi berapi.Nyadi lebuh sida ke begiga ke ikan ti namak sungai diak sida ngulu kulu berambat ngena pukat alu enda mukai mukai bisi siko lelaki ke biak nyau reradak nyeraoh meda pemaioh ikan tama pukat,tak enda mukai mukai ikan ke maioh nya tadi baka ke lesap nadai di peda agi.Tak ransi semua lubuk dambat sida ngena pukat tang nadai meh ikan,nasib bulih ikan kedulu tadi,enti enda pia nadai berlauk maia makai kelemai nya tadi.Pulai sida ke begiga tadi diak sida alu ngintu utai ke ulih alu maioh meh pansuh sida ia.Ba kampung puang utai dpandok enda tau diresih tauka digoreng laban remaong to ka mai ngiga bau utai kenya.Sereta anang sesekali nunu gerama tauka belacan laban utai nya dijaga ia utai tupi ia ti ia nemu sigi ngiga alai orang ke nunu nya alu enda chamang alu nyerang kitai ti nunu nya tadi.Nyadi remaung to keno ko orang sigi semampai neresap belama agai menua tasik laban remaung sigi ka beridup berikan ba tasik ke besai.Nyadi remaung to suah agi ka ayan ba tebing tasik baka ba Tanjung Lubang,Miri din.Sigi ari kelia menya,Tanjung Lubang to sigi palan alai remaung ngiga tekuyung nyentuk kediato.Amai diato dah moden tang bisi maia bulan enti kitai benasib manah ulih terpeda ke remaong to ti ulih bebali nyadi mensia tauka orang ti kitai kelala.Nyadi kelia ba diak meh tudah aki tuai Kuling selalu bertemu enggau aki Dilang Entai Kuang(asai ku meh to meh penama aki remaung nya ti ngelebus kia).Nyadi aki remaung to enda ngacau orang enti orang enda ngacau alai ia ngiga pemakai.Ia ngiga pemakai ba diak ka lelemai ari.Kelai orang bisi bebadi ba endur nya,nya petanda orang nya kena kacau ulun ia Dara Semenyang tauka Dayang Nunang.

Pulai agai pun jerita tadi,nyadi bisi siko lelaki ti penama Ucung ti enggau sida kabukai tadi tak terkenyit meda ular pasir ti dindik ia. Ngasai diri nyau gelesi sereta terkenyit diak Ucung alu nencang pala ular nya tadi ngena batu ngujung ke ular nya mati,laban ke agi pedis ati ketegal terkenyit diak Ucung alu kemik alu mancing ai kemik ia ba pala ular nya.Seretai ia tembu bado kemik nya tadi peda tak enserul ular kebukai ari pasir tak entanjal ular ari reba alu temepak ular ari pucuk kayu,keno ko sida kabukai ti sama enggau meda tak naka pemaioh ular tadi pansut ari batu ari pasir ari tebing ari pun kayu ari ular mit ti enda bisa pansut ngujung ular ke bisa sereta kebesai pansut ti ngelingngi tudah Ucung ti ke bediri ba karangan,alu sida kabukai enyau  begetar getar kaki laban meda utai naka penyelai nya nyadi.Bisi orang bujang ti bernama Sirai nyau terkemik ba tancut laban meda utai baka nya nyadi.Semoa ular ngelingngi tubuh Ucung ti berdiri nyau nyabak minta sah minta tolong,tang bisi apai tuai siko ti tau dkumbai bisa penemu alu ngasuh Ucung lubah lubah duduk,nasib Ucung ka nitih,keno ke orang ti nusi to,ular majak datai sedatai nyau penuh tanah seberai nyau penuh kerangan ari ulu enggau ili laban pemaioh ular kabukai ti datai,tak enda berasai pansut bunsu ular ti burak perencing tubuh alu mata ia berkilat alu pala ia bisi geliga ti perencing.Kira enda lama dahnya diak apai tuai ti bisi penemu to tadi alu jampat nengkira piring sekali lapan,jari Ucung dsayat mimit kena ngulih ke darah ia kena nyengkelan piring enggau nyengkelan patung kayu purang ti digaga,alu apai tuai nya jampat ngasuh sida ke bukai nebang kayu purang,udah kayu purang ditebang diak apai tuai to tadi alu ngari kayu purang nya ngena gari Ucung kebukai alu ia ngambi darah manok di gulai enggau darah Ucung alu ditanjah ia ba kayu purang nya tadi.Ia alu duduk maca pucau maca leka biau.
Lebuh ia tembu ngereja pengawa nya diak tak meregum tanah dindik utai,pemesai betis orang nya bisi 5 pemerap ti dipeda terengkah ba tinting bukit sepiak ba bukit seberai.Meda kenya diak apai tuai ti benama Chiri to tadi alu ngambi Ucung udahnya patung ti digaga pia aja ti dah dibaca alu dengkah nganti Ucung,seretai Ucung dah selamat diak Apai tuai ti benama Chiri to tadi ngunsut tubuh Ucung ngena tanah ladu ti ba tanah ngica antu enda ngelala ia agi alu telih ia tadi alu di unsut ngena kapo ngica antu enda ensium bau darah Ucung ba tubuh kediato.Nasib tudah Ucung to tadi agi idup ti orang nadai bisi penemu baka apai tuai nya tadi bisi ari ia dempa antu tinggi.Tubuh kayu ti nganti Ucung tadi dijengkau utai naka pemesai nya jari nyau mesai pemerap anak mit tunjuk jari ia dipeda sida ke diak.Malik Ucung ke langit bangkat tak dedegi tubuh antu gerasi ngilah pun tapang buku lutut ia.Bisi ke enda tan ati enyau luput meda utai baka nya.Lidah antu gerasi kuar kuar bercabang 5 berpala ke ular.Pengudah nya antu gerasi nya alu rapas dipeda sida ke enda luput tadi.Udahnya sida jampat jampat pulai ke langkau. Sitik pekat aku anang sesekali kitak ngempang ngaga khemah senentang pejalai kaki ti selalu dipansa kitai ba kampung puang laban kitai sigi bulih di cekak antu ti jai,ti ba tisi jalai enda ngawa ko orang tuai madah.Naka to dulu kaban.Ila ku nusi baru.

Penyayau Nyentuk Ke Lesie.

Berkunsie jerita kitai Iban ti dikanggau Penyayau nyentuk ke lesi tang ukai baka gambar to jerita ia.Agi mit ku ninga jerita to.Nyadi bisi kitai iban ti bernama Empati(nama samaran) ti beridup enggau bini ia Suti(nama samaran) ba sitik menua kitai ba Sarawak din.Seduai jadi melaki bini naka pengelama enyau bulih 9 anak.Maia seduai begulai nadai kala seduai ia belaya enggau pangan diri.Nyadi lebuh anak seduai ia kebiak dah nemu ngidup kediri diak Suti nyau dibai petara pulai ke langit laban nyau enda alah diperubat ba sepital.Lebuh malam nyengaie Suti,diak Empati enggai jauh ari tubuh niang bini nyentuk ke pendam.Nyadi pendam bini ia dengkah bala anak ia ba tanah sida Empati empu nitih ke jako bini ia ti madah ka berkubur alai endur seduai ia melaki bini terubah muka tengalan umai lebuh udah kediri ngaga ruang bilik kediri empu ba kebun buah. Pengudah sida kabukai nyau ka pulai udah ngubur ke niang bini Empati,Empati enda ngisit sesekali ari pendam bini ia.Ia enda nyabak tang ai mata seruran labuh.Puas dumbuk bala anak ia kelaki sereta kabukai ke bedau pulai ari palan kubur tang Empati enggai mindah kabukai mina duduk aja ngimbai kubur niang bini ia.Meda baka nya diak bala anak kelaki seduai ia alu temati kutu alu Tuai Rumah sereta menyadik Empati kabukai meri jako tangkan ngajar ia ngasuh ia enda bakanya tang sida kabukai enyau rerangap ninga Empati bejako baka to."Suba aku sebedau jadi enggau udah jadi engau Suti,ku berdanji enggau Suti alu Suti berdanji ngau aku,kami duai sigi ngibun pangan diri sampai ke tubuh kami duai ia lesi bebadi ngejang pergi,laban ku nitih janji kami duai,ku enda kempang bula kedanji laban pengerindu enggau peyayau kami duai ia sigi enggai ngemula.Pengerindu kami duai ia ukai ari ka jadi melaki bini ka nelesak ke anak aja tang peyayau ka segulai beridup tusah engau senang,to kebun ke tanda penyayau enggau pegerindu kami duai nyentuk ke ku parai ku enggai pulai ke rumah panjai laban aku enggai bula kedanji kami duai.".Meda bakanya diak sida kabukai bado bermunyi,alu pulai meh sida kabukai alu anak kebiak aja ngibun alu ngemata ke apai ia Empati takut enggai ke apai ia munuh diri.Tumu pagi sitik diak anak Empati sereta menantu ia ke laki alu ngaga langkau ngimbai kubur niang indai sida ia laban ngica ke apai sida ia enda kena ujan enggau panas.Peyiru enggau peyinu anak Empati sigi murih ari niang indai sida ia.Bisi meniga ari udahnya enda ga Empati nginsit enda niki langkau ti digaga bala anak enggau menantu ia,meda bakanya diak sida ngaga langkau nya beratap panjai nyau mayung pendam niang bini Empati.Kubur niang bini Empati digaga sida manah agi,alu Empati tindok ngimbai bini ia ti ngena katil ti digaga bala anak enggau menantu ia ke laki tadi.Nyadi pemanah anak enggau menantu ia ke indu nyau tiap ari nganjung pemakai agai tudah Empati nyentuk genap taun 1997 kira bisi 10 taun dah berlalu diak Empati enyau nadai pengerai laban nyau sakit.Sebedau Empati madam ke seput ke pagi nya diak ia bejako ngajar meri sempekat jako tangkan agai bala anak ia enggau menantu ia.
"Igat enggau endu,kitak ucu,pengerindu kitai mensia ukai berpanggai ba pengeran ati aja tang berpanggai ba untak kitai mikir jalai kena nyeliah ari penusah ngerusak ruang bilik diri empu. Pemerinsa maia senang dkingat alu peyenang dikingat maia merinsa ukai peyenang dkingat maia senang alu pemerinsa dkingat maia merinsa.Penyayau ukai ari pengerindu tang penyayau ari  siko mensia ti beguna ke siko tawing begulai sejalai enggau ia ti sama runding nadai kuing,amai bertaun taun aku di Brunei berkuli tang indai kitak ulih negi alu niri ke ruang bilik  kitai nyadi ke manah ari udah,amai indai kitak indu ia enda beguna ke laki bukai kena muai pengelenggau ati laban ia nemu aku aja ulih ngemuas ke ati kami duai aja sigi enda sanggup buya ke pangan diri laban ati enggai ngemula ke penyayau tuci,nyema aku mati,ku puas ati laban enda kala ngenusah ke anak bini nyadi kampar ba dunya penguji.Nya alai kitak anak gengam danji ba jari ukai ba ati,genggam sumpah ba tubuh diri ukai ba ati alu ba untak ti ka ngerusak.Kami duai niang indai kitak suba berdanji sigi sanggup ngibun pangan diri ka ia lesi sigi tetap ba sisi.Diato ku gaga ku dah terpegai kesemua janji kami duai ia,amai ia dulu pergi ia sigi nganti ba pintu sebayan laban ba din ia ka nunai ke danji.Minta ampun ku anak enti aku ngenusah ke kitak ngelamato alu aku ngampun peyalah kitak ba aku,agai Sutie,sulu to ku atai nitih nuan,ku minta ampun laban enda ulih panjai ari  ngimbai rumah nn ba dunya penguji,ba sebayan tua jadi baru melaki bini,nganti aku atai nn perembam malam ari.."
Udah Empati bejako bakanya,diak ia narit seput tiga kali aja alu lesi meh tudah mensia baruh mua ari,pegi ngemai at ngemai janji ti udah ditunai danji..Kubur Empati alu ditanam ngimbai niang bini ia.Ngica seduai ia segulai sejalai ba sebayan din.Jerita to sigi jerita amai ti ku kala dinga ari siko anak bala nembiak ari ti sama rumah panjai enggau sida Empati to.Alu ku kala ninga jerita ari  bala anak Empati to empu ti kebiak amai nya.Sapa Empati??Mina petara ja nemu..Ku enggai nusi penama amai ia.Cukup meh kitai berkenang pengerindu enggau peyayau ia ba page ku dito.

Jerita Semengat Padi.

Jerita Penti pemali muai asi ditanam kitai dayak.Ba kenang jerita keserak to aku ngenang siko
lelaki ti bernama Miegek.Menya agik maia taun 60 an kenya bisi kitai Iban mudik kulu gai menua
Pelagus kediato laban ka begiga utai pemakai nyadi maioh meh sida ia tadi indu enggau lelaki
enggau magang seraya ka meda menua orang ke Pelagus kin maia ke ai batang rajang langkang
agi menya.Nyadi nyau ke tengahari diak sida to tadi nyau ngetu makai,ba karangan ti besai,udah
mansau lauk diak sida sama makai magang tang laban ke Miegek to bam makai enyau berdunjung
pinggai ia alai asi,bisi ngempat pinggai ia makai nyau kelima pinggai diak nyau enda alah ia tadi
asi ba pinggai ia,laban malu di kejako orang diak Miegek to tadi alu duduk kebukai ari bala maioh
ke bedau agi ngipung lauk,udah ia nuduk kediri ba kayu ti tumbang diak ia alu muai asi ba pinggai ia tadi ba ngimbai pun kayu ti tumbang enggau jampat jampat takut dipeda orang maioh.Ia ngelalai asi ti dibuai nya ngena daun rau.Nyadi udah ia tembu muai asi nya diak ngesen kediri ba mua orang maioh diak madah diri kenyang.Udah tembu makai diak sida kabukai tadi alu bepun begaga kelangkau ba endur nya.Udah tembu ngaga langkau sida alu begiga ke ikan dulu nubai sungai ke mit mit kena kelauk ke malam negi.Nyadi bisi siko lelaki ti benama Jali ti nurun ngipa jelu ba menasan apan.Diak ia ngipa kediri aja,tak enda mukai mukai diak ia malik kebaruh diak meda siko indu dara ti cukup bajik duduk ba daun ti baka ditusun,indu nya senyum senyum meda ia tadi alu ngangau ke ia
ngasuh Jali nurun kebaruh ngica seduai ia betunga berandau manah ko ia.Nama agi deh Jali alu nurun pucuk kayu alai ia ngipa tadi alu kira bisi bisi sepuluh depa ari indu nya tadi diak Jali teringat ke ajar orang tuai baka to,"kena ngelai mensia nya amai mensia tauka antu ia nya ari garis dua line ari idung agai mulut atas ti dkangau kitai iban rinsang asal kitai mensia,enti bisi nya dipeda nya meh
mensia enti nadai nya meh antu" ko ati ia din bejako kediri.Tak perati ia manah mua indu nya tadi tak nadai garis tanda kelai nya.Nemu meh Jali indu nya antu.Diak Jali teringat ajar orang tuai ti penuduk indu tauka lelaki nya tak duduk mepek(duduk baka nyembah raja,kedua kaki ia kebelakang alu jari ia dipelalai ia ba senentang belakang nya meh antu telanjing kijang).Ti kita meda utai baka to anang damping sekali kaban au laban ti kita damping kitak ulih gila ti kitak kena tikau sirih pinang penunang antu telanjing to tadi.Alu ketawa mit meh Jali to tadi udah nemu nya antu telanjing ti ka nunang ia,diak Jali ngambi ranting kayu ti udah mati,diak ia alu matah ke kayu nya tadi diak meh indu alu engkecit alu bebali nyadi kijang alu bemunyi "caong".Udahnya Jali ngipa baru ba diak tadi,ia nemu antu telanjing ti bebali nyadi kijang nya tadi sigi enggai kia baru laban kijang nemu ia parai bunuh mensia ti mensia udah nemu ia antu telanjing.To meh kabuah maioh orang gila ketegal dayah ke antu telanjing ti maioh bebali nyadi mensia ti bajik ti sigat tang ia meri kitai mensia nyadi gila.Lebuh nganti Jali atai ngipa diak sida kabukai tadi majak nubai majak ngetan bubu ti besai.

Pengudah Jali dipeda ngemai babi siko enggau rusa siko naka meh pegaga ati sida ke diak.Nyadi kelemai nya capuh meh sida ia berintu utai dulih Jali tadi,udah berengkah makai,bakanya ga gaya tudah Miegek to tadi.Udah tembu makai nyadi malam nya tadi diak sida pen tindok tang penyelai ia sida bermimpi sama magang ti meda Miegek muai anak mit naka pemaioh ba senentang pun kayu
tumbang baka ke pengawa Miegek ti maia ketengahari tadi enggau kelemai nya ba dalam mimpi sida ia.Lebuh maia sida meda anak mit to nyabak ngujung bisi indu siko ti naka pemajik to tadi ti pansut ari babas alu madah diri anak Bunsu Sempandai agai sida ia alu ia malik ke agai Miegek enggau mua naka pegeringat.Ia alu bejako to"oiii Miegek dik to meh mensia ba baruh dunya to ti enggai nerima penatai anak anak kami,peda dik bala anembiak nya nyau nyabak laban dibuai dik pia aja,ari mit nyentuk kebesai to dik ngayah dik buyah anak kami ari menua nisi langit nyin,enti dik enggai enda ibuh makai sekali ga dik nya,sida ia sigi ulih anak mit ti tau dempa kitak mensia ngica ke kitak ulih
besai ulih kering ulih idup ari seput anak kami ti nampung idup kitak mensia,bepun ari to aku nyumpah dik Miegek sigi enda bulih padi nyentuk ke wit dik ila." ko indu nganu Miegek.Udah indu to lesap diak ba diak nyau tedani magang lebuh ninga munyi burung cecuwit nanda ari ka pagi.   Lebuh sida tedani diak sida ninga baka anak mit ti nyabak,sida ke diak alu begiga ke nyawa tadi tang puas sida ngiga tadi diak bisi indai tuai siko ninga penatai nyawa ke nyabak nya selepak pun kayu tumbang,diak indai tuai alu reraoh madah nala kabukai nyawa ke nyabak nya ba pun kayu ti tumbang.Nama agi alu kia magang meh sida kabukai,laban Jali to berani tak reda ia pun kayu tumbang nya tadi tak rerangap Jali meda penatai nyawa nya atai ari asi ti dibuai Miegek kemari,nyau alit ati magang sida kabukai meda utai ke nyadi tadi.Meda sida ke bedau alit ati diak tuai rumah sida ti sama enggau ba diak alu ngasuh sida ke indu ngumpul asi nya tadi alu asuh ia tungkus ngena daun bero alu dasuh ia beri agai ikan ti bedau idup ba bubu ditan sida ia kemari.Nama agi deh,ambis meh
asi nya dempa ikan ke ulih bubu tadi.Udah tembu pengawa nya tadi diak tuai rumah to nusi jerita semengat padi to tadi baka ke tusi ku kemari.Ka nemu gik..pagila ku nusi baru au,bisi tampong jerita to kaban.Jerita ditusi tuai rumah to ba pasal jerita semengat padi..nyadi nyentuk kediato peturun Miegek agi bedau bulih padi enti bumai sereta pdis mai sida ia ka bulih utai enti ngiga pemakai ari beras.Ba nuan kaban,keni ko nuan senentang utai baka to?Ti ku meh sigi pecaya penti to laban agi mit ka amai niang aki nganu enti makai nemera ke asi,sema jako seleka leka asi pen enda tau tinggal ba pinggai.Nyentuk kebesai to semua kami menyadik nadai ningal seleka asi ba pinggai.Amai berau cina pen kami menyadik kenya laban teleba ari mit sampai ke besai nda ngayah ke asi,laban asi ari asil titik peluh kitai ngulih ke duit.Hargailah Asi to tadi kaban laban ia tusah dulih kitai.

Jerita Dumbang Tau Kayau.

Jerita Dumbang Pemerap Pala Setibang.Dumbang to sigi kering ari mit nyentuk ke besai.Bepun nadai apai ketegal apai ia bebadi lesi lebuh ngayau ke Ulu Batang Kapuas diak Dumbang ari mit puas nyepi idup merinsa sereta ia sebilik suah dipetenah,alu dipejai sida sarumah laban meda bilik ia merinsa sereta enda bulih utai.Bepun ari to diak Dumbang meh ke nyadi tuai bilik ti ngidup sida menyadik ia Jimba,Genjai enggau Ijah sereta indai ia Punai.Pengering Dumbang to keno ko jerita maia agi ngangkat bujang diak Dumbang pedis ati laban teterap ba bandir kayu kasai ngujung ia merap bandir kayu kasai nya alu di tempalong ke ia kulu lubuk kira sepuluh rantau baru bedegum munyi kayu kasai terengkah dulu din.Dumbang to sigi di sumpah orang Panggau Libau lebuh ia bedau agi mit ia nyabak belama ngenang pemerinsa ia ditinggal apai ia tadi.Ia dsumpah Gemuring Gading apai Keling alu dtempa apai Sera Mera sereta di unsut inik Andan ngena Batu Aji Bulan ti ngasuh ia tegal sereta
kebal ngau tau ajih.Udahnya Dumbang kala berekak enggau Aki Remaong ba Bukit Empong
Reradong enggau Bunsu Raja Genali ba Lubuk Dalam senentang Sungai Engkarie Ulu kelia menya.
Keno jerita tuai Dumbang to pulai ngasu ari ulu Sungai Engkarie diak ia kelalu rapal diak ia tadi
terpeda ke buah mawang ti di gerempung orang ba tisi kerangan,bisi sepuluh igi peda ia,tak dempa
Dumbang ambis buah nya tadi.Udah kenyang ia alu mupuk baru nyau ka rapal ia diak ia tepeda ke asi
berlauk ke ikan ti bedau angat dengkah orang ba batu anchau ba tengah ai diak ia alu makai asi nya ga.Nyau kira ka malam diak Dumbang ngaga langkau tak ngenyit tudah tuai ia meda utai nyelai tak petang tegayam kelemai nya dinga tak beraoh munyi utai alu ia utai negong baka orang ngasu
diak Dumbang alu nyintak ilang laban ka ngadang utai nyadi.Diak Dumbang tekenyit meda mensia
siko tak berikok iko alu mua sapiak mensia sapiak baka mua engkulik(harimau bintang)..Enda
chamang chamang diak remaong tadi alu nerekam Dumbang tang Dumbang kering tak dpangka ia ba
bandir kayu tapang remaong tadi dinga kalau kalau panjong remaong madah diri pedis,nyau ka
malam ari seduai agi berinsah bejamah lebuh remaong mangkil tubuh Dumbang enda ga ulih
empa ia nyau kerebai patah taring ia tadi.Meda Dumbang enggai alah alah diak Remaong to nanya
sapa bangat nulong ia nya,diak Dumbang madah Gemuring Gading ti nulong ia diak nyau nyabak
tudah remaong laban saru empa saru tajo.Diak ia merap Dumbang tang Dumbang nyilat alu mangka
ke Remaong ba batu anchau ngujung Remaong madah diri alah bulu ari Dumbang.Nya baru
Dumbang ka sekaban enggau ia.Udah nama deh tak bantai remaong magang meh utai dempa.Kira
enda lama udah nya dinga ai beriak baka bisi ombak mangka ke tebing peda pansut Bunsu Raja
Gennali,diak aki remaong ka madah ke Bunsu Raja Genali nya ucu ambu ia tang Dumbang enda
ngasuh aki Remaong nya madah laban ia ka berekak enggau aki Bunsu Raja Genali.Diak enda
chamang alu merejok tudah Dumbang agai Bunsu Raja Genali alu besatup engau Bunsu Raja Genali
tadi peda tak raoh raoh Bunsu Raja Genali jamah Dumbang,ambis tugak,apat enggau batu anchau
temepar laban Dumbang mangka ke Bunsu Raja Genali nya tadi.Maia Bunsu Raja Genali ngetup
Dumbang tak ketawa lelekik Dumbang laban gelesi digaga bakanya,meda utai baka nya diak Bunsu Raja Genali alu ngetu tudah ngetup.Bunsu Raja Genali alu nanya sapa bangat nolong ia diak Dumbang madah Gemuring Gading diak Bunsu Raja Genali minta ampun laban salah tajo salah
empa.Ia ka merap Dumbang tang Dumbang tak mangka ia ba bandir tebelian ngujung pun tebelian
mesai tibang tuai nyau rumpung patah dua.Diak nyau nyabak madah diri alah Bunsu Raja Genali
tadi nya baru Dumbang ka babaik enggau ia.Ia alu nitih ke Dumbang pulai ke langkau diak ia terpeda
ke aki Remaong benung ngintu pelanduk dulih ia tadi.Diak Bunsu Raja Genali nganu Aki Remaong
laban ia enda madah ke ia ti Dumbang nya tolong orang Panggau Libau.Diak aki Remaong ketawa
lelekik ia madah ia pen baru nemu ti ia dulu nemu enda ia patah ngeli taring sambil mantai ngeli ia
ke rabang alu Bunsu Raja Genali ketawa alu mantai ke kukut sereta mata nyau biru laban Dumbang sereta ia nunjuk mata ia nyau mesai lengan demaram laban jamah Dumbang.Keno jerita tuai Dumbang kala berjamah enggau antu raya ba Ulu Sungai Engkarie ti ngujung Dumbang to dsumpah nyadi orang pematak kayau menua,ba jerita tuai Dumbang to meh pengemai pemindah kitai Iban ari Sungai Engkarie ti dulu nuju menua Kapit.Dumbang to keno ke jerita tuai ia parai nadai bekubur ketemu orang ia pulai agai Panggau Libau.Dumbang to suah pansut baka ba Nanga Gaat,Nanga Lemanak,Nanga Tekalit enggau Nanga Skrang sereta kala dpeda ba Batang Ai,kelai ia pansut nya tanda menua nya enda aman keno ko jerita tuai.Nyadi madik ia Ijah udah dambi orang Panggau nyadi ke bini anak Sempurai.Alu Dumbang enda kala bebini keno jerita tuai.Penama Dumbang to kala suah pansa pengap orang lebuh ka ngayau kelia laban ia to ketuai pematak kayau menua ti kala ngalah sida Pungga enggau Sempurai enggau Tutong Bujang Rengayong.Pia mega ia to meh mensia ti agi meruan idup nyentuk kediato.

Jerita Meri Pengajaran.

Kena taun 70 an kenya agi menya bisi siko apai tuai ti bernama Jenging(nama amai dilalai) enggau Jenang(nama amai dilalai) bisi nurun ke Sabah ngereja kayu tadi.Nyadi maia nya tudah aya aku pen enggau meh kereja kin seretai enggau ia.Ba Sabah din sida tiga tadi sebilik mina pangking aja kediri alu sama sitik bilik segulai semina makai nya tadi sama berapi kediri empu.Nyadi kelia agi sigi bulih duit amai enti kereja deriba lipan laban agi menya mata duit sigi besai agi ngena dollar empai ditukar agai ringgit baka kediato.Nyadi kelia agi enti ba kampung puang sigi digiga lubang indu embum nya(indu utai ti bechurak celum) laban ka ngulih ke tebuk indu embum ti lurus ngica ulih dikena main sekupong laban enti ditemu sigi bulih ja menang duit maia besekupong tauka main holo.Nyadi tudah Jenging tu enda kibuh utai baka nya laban majak ke kerja sereta keja ia mina nyadi tukang kupas menyadik ia Jenang ti tuai gik ari ia.Maia ujung bulan udah orang pekerja dibayar gaji nyadi enggi Jenging tu alu disimpan ja.Kenu ko aya ku nya nusi pengelimat Jenging tu amai bejimat lebuh bebeli utai kelauk.Siko ikan masin enggau telu masin ulih dempa ia seminggu laban ngelimat duit amai pen duit ia maioh tang cukup bejimat.Nyelai gik ga madik ia Jenang(nama amai dilalai) ti ka amai ngirup alu main ka main judi sereta ti dah mabuk alu ka berekak sereta nemu ngaga duit ari keretas enggau ari daun ngena penemu ilmu hitam.Nyadi Jenging tu enda bakanya tang ia cukup kedekut enggau bini anak ia lebuh pulai ke menua.Enggi orang utai baru magang dibeli ti enggi Jenging nadai utai dibeli mina belanja pemakai aja ke dibeli ia.Ti enggi Jenang lain agi,pulai ke rumah panjai,penuh perau laban ke kereja deriba lipan gaji naka penyampau dibai pulai ke menua.Amai Jenging kediri ari bilik tuai ti dibun Jenang,tang ia enggai kia laban udah diburu apai ia ngasuh ia pindah ari bilik nya suba ketegal ia belaya enggau Jenang,laban Jenang bulih duit nya meh kabuah apai seduai ia enggai meda Jenging ti nadai bulih utai.Bepun ari nya Jenging enggai kiruh agi ke apai indai ia ngujung ia ngaga kediri bilik ba ujung rumah panjai. Maia gawai atai tang Jenging mina mantai ai tuak aja nyelai madik ia Jenang mantai beer Stella nyau berpaket paket ba ruai.Tudah Jenging meda aja laban ia menting ke anak bini sebedau bebeli ke utai.Lain anak orang ngena gari baju tang sida sebilik ngena gari udah mendua taun ti udah dibeli.Penelap bini Jenging enggau Jenging sereta nemu juluk ati laki ia ti ngujung bini ia enda minta utai maioh ba laki diri sereta bala anak baka nemu ati apai diri diak sida enda bermunyi aja maia nya meda anak orang kebukai nyau terkiting makai roti sereta ngena gari baru ba belah ruai.Nyadi pengudah kereja ba Sabah bisi bebelas taun diak anak Jennging ambis bulih kerja menyana magang sereta meruan ngibun bilik Jenging.Tang enggi Jenang laban anak ngasai diri senang belama diak nitih ke apai diri bekerja ba belah kem laban gaji besai agi ari keja perintah agi menya suba.Tang pengidup Jenging berubah ngenyit pengudah anak ia siku pulai ari luar negeri belajar alu nyadi Residen Daerah ba perintah menua Sarawak maia nya.Ngujung Jenging dasuh anak ia bado keja kayu agi.Pementas enggau pengelimat Jengging ba senentang duit cukup amai dikingat anak ia ngujung anak ia nunda peengelimat apai sida ti bebeli utai penting aja ba pengidup.Semina enda kedekut meli utai dipakai laban kasih ke anak bini sereta apai indai diri empu.Laban enggai merinsa nyawa makai nadai berlauk baka enggi apai sida ia Jengging nya tadi.Enggi tudah Jenang nyau ambis nunda ulah ia magang bala anak ia,balat bejudi enggau ngirup.Lebuh Jengging ditaban ari alu lesi midang lelang pulai gegendai ke langit mingkai maia taun 2008 diak ia meri jako tangkan agai bala anak baka tu. "Igat enggau kitak endu kingat maia aku suba enggau kitak ti meri kitak makai nadai berlauk maioh,anang balat kitak ngirup laban aku enda ngajar kitak ari mit nyentuk ke besai nyadi pengirup ai bisa belama,kingat maia kitak agi mit bertancut begari utai carik,kingat maia kitak ngumpul buah engkabang enggau narit wie ba belah kampung puang,sereta kingat pemerinsa kitai agi suba,bepun ari pemerinsa kitai senang alu ari penyenang kitai ngingat ke penusah pemerinsa ngica kitai enda merinsa belama ba pengidup.Galau duit sempama baka berau dalam tajau,majak disumbak dipanduk berau puang dalam tajau tang tua enda nyenguk tajau enya laban tua ngumbai berau nya bedau agi,lebuh berau ditemu ambis tuai kiah kiah kin kia nyanda ti orang ka meri secupak segantang dua angka begik ti orang enggai ka pen enda tua pagila nyembi padi ti ke bisi,manah ti ari tadi panas tang enti nyau ujan belama ka pen enda tua nyanda genap ka makai belama ba orang nya aja.Manah enti orang ka meri tua secupak dua ti nyau genap kenya aja aja,orang nya pen nemu meh enggai meri tua berau belama laban orang pen ka meh ngalau berau kena diri empu laban ari agi ujan.Enti ngajar bala ucu anang baka indu engkululut nyau majak malut semalut ba pun tiang tang labit nyau puang laban ai nya tadi nicir tang ditutu baru ti ngasuh indu engkululut eikak,ti begulai melaki bini anang ngaga pangan diri baka gari sirat enggau gari baju ti baju.Maia luya ditempaya alu diganti gari ke baru,baka tikai gulung bidai enti baru dancau ba ruai enti lama alu carik alu digulung alu dibuai ke endur bukai,nyadi anang baka nya ba pengidup.Enti begulai enggau orang bukai tua baka bejalai ba kampung puang,lebuh bejalai tepansa ke akar melintang ba tengah jalai,alu tua pajak tang tua ensuruk alu anang ngedar ke tubuh bediri maia ensuruk akar tadi enda alah bisi duri wie ngujung belakang tua nyau disayat duri.Pengidup kitai baka ai bah,lebuh langkang lubuk nadai penalam tang lebuh ai bah lubuk dalam tang rau enggau apat sigi maioh mansa rarat,tang ti lebuh ai lepong,ko jako ka beratung tang enda nemu ba ili tua tadi bisi wong arung.Kingat anak pesan aku tu ngica kitak ulih nampung jako ajar aku agai bala anak kitak ila".

Udah tembu ngajar bala anak diak Jenging alu narit seput pengambis ia alu lesi bebadi meh tudah tuai.Nyadi diato bilik Jenging dibun anak ia ke nyadi Residen Daerah nya tadi tang anak ia kabukai enyau nitih bala anak sida empu diau ba London din.Tang enggi anak Jenang enyau belaya laban enggai beribun ke apai indai diri empu ngujung Jenang dibun anak Jengging ti nyadi Residen Daerah nya tadi ti ngujung Jenang enggai meri tanah buah agai anak ia empu laban ia pedis ati agai anak diri ti enggai ngibun maia ia udah tuai enda dapat bekerja agi.Nyadi lebuh bala Jenging meresa duit ditinggal apai sida ia ba bank enyau ngapo bala anak sida ia meda penyampau duit digalau apai sida Jengging nyau beratus ribu ti ngujung bala anak ia betabi basa amai ke ulah apai sida ia ti bejimat amai maia agi idup.Meda kenya diak Jenang ngenang diri laban enda nyangka menyadik ia Jenging ti cukup ngelimat duit sampai bakanya.Enti ia nunda baka ulah Jenging maia agi suba sigi berasai nyamai maia tuai.Ba jerita amai tu bisi pengajaran ba kitai,galau meh duit ari majak ngirup bejudi belama alu begulai manah meh enggau orang bukai awak lebuh tua nadai didunya agi tua dikenang orang belama.Alu setia meh enggau bini anak diri ngica ruang bilik kitai likun ngica kitai ulih serekun begulai segulai enggau diri sebilik.Penusah nuntung kitai enda untung tang penyenang atai utai nya ngasuh tua tucum kembai idung tang penyauh pengelama ni penyenang nya nya meri kitai tu untung.

The Great Warrior Woman at Sea Dayak People at Borneo Headhunters.

The Great Warrior Woman at Sea Dayak People at Borneo Headhunters.Sebai Pengangkat Kayau Tuai.Jerita to ku tampung ari kenang orang tuai kelia sereta ari kenang aki tuai Kuling.Nyadi kelia bisi apai tuai siko ti benama Sampuk jadi enggau Bangan ti beranak purih indu magang.Anak saduai bisi 6 iko tak indu magang keno ke jerita tuai.Meda ia nadai purih anak lelaki diak ia dkanggau orang punas pengetan bilik ti nadai anak lelaki.Kelia enti kitai melaki bini nadai anak lelaki sigi kumbai orang punas pengetan bilik.Nyadi Bangan beranak ke Sebai,Janam,Pagie,Luli Sangan,enggau Anau.Laban Sebai to mancal sereta ka amai begulai enggau apai ia Sampuk enggau aki ia Berinau diak ia baka orang lelaki nyau nemu reti pengidup ngidup kediri ba kampung puang,pia mega ia puas nyabak dajar aki ia Berinau to ba penemu orang tuai kelia baka,kuntau,kajat bebunuh,sereta maioh macam agi ti ngujung Sebai jauh kering ari bala lelaki maianya.Amai ia indu tang Sebai to baka orang lelaki tubuh ia,nyau bersenggal sereta kering.Maioh bala lelaki enggai ke ia taja pen ia bajik  pandai betenun sereta nemu ngereja pengawa orang ke indu dara maianya.Sebai maia to sigi amai tampak berita,sema jako maioh indu dara maianya kelia alah penemu ari Sebai to laban Sebai ulih ngaga pengawa indu enggau jampat sereta landik ngereja pengawa lelaki ditemu ia magang,ba kenang orang tuai Sebai to nemu ngaga ilang kediri empu ti diberi orang pejuluk ilang pegerawang tauka ilang perawai laban enti ia dulu sigi ambis munsuh bersepar lari laban ilang dpegai ia kin kia mantap pala munsuh.Keno ko orang tuai Sebai to ditulong Kumang enggau Lulong alu dangkat nyadi anak angkat aki Sempulang Gana enggau Aki Sengalang Burung sereta ditulong Aki Remaong enggau Inik Remaong.Nyadi sekali lebuh sida sarumah bebai ngayau laban malas pemati Unam ti parai dipumpung munsuh lebuh ia pulai ari umai diak sida sarumah baum ngayau ke malas pemati nya ngujung Sebai enggau ti ngari tubuh ari apai ia Sampuk laban tudah Sampuk udah enda dapat laban dempa pisa ba patung,nyau ka nyabak Bangan meda anak Sebai tak enggau nurun ngayau,pungka ke lelaki enda ngasuh Sebai enggau tang meda pengeran Sebai ka enggau diak Tuai Rumah ngasuh ia enggau aja tang ia dasuh nguan langkau maia ngayau sereta nyumai ke sida aja.Diak engkecit anak Unam ke indu ti bernama Sinja Bungai Kemara ka enggau bebalas ke pemati apai ia Unam tang ditagang akak ia Nirau tang Sinja enggai ninga tak alu nyikap diri nurun ngayau Sinja to tadi.Nyadi ia saduai aja meh ke indu nitih ke lelaki nurun ngayau maia nya,lebuh malam diak Sinja bemimpi ia terpeda ke Sebai duduk betunga enggau Kumang enggau Lulong,meda Sinja bisi di
peda ayan ba mimpi diak Sebai ngasuh Kumang enggau Lulong nulong Sinja,nyadi keno ko orang tuai Sinja to ditolong orang Gelong baka sida Tutong Bujang Rengayong,Andak Segatak,indai Abang enggau Bunsu Ribut.Lebuh atai ba rumah munsuh diak sida ia bermalam baruh tinting bukit ti melunggang seberai nyau rumah munsuh.Maia nya munsuh benung begawai ke antu pala ke dulih sida ia.Sebedau nyerang diak Tuai Rumah ngasuh Sebai enggau Sinja dasuh ngibun langkau.Kira manuk engkukuk menujuh kali diak maia pagi nya sida ia alu nyerang rumah panjai munsuh tang kota munsuh tang enda ulih terumpang laban sida ia laban munsuh bisi ngembuan pucau kota ti bisa.Diak enda mukai mukai tak ngemejul kediri Sebai enggau Sinja ba depan pintu kota munsuh alu engkecit Sebai alu nyintak Ilang Perawai tak pantap ia pintu kota tak teperunsai rarah meniga rarah ngempat pintu kota,tak dendet Sinja tiang kota tak tumbang pintu kota tak perawai ke Sebai baru ilang nyabur ti beri pejuluk Nyabur Ngerumpang peda tak putus mendua pagar kota ti digaga ari kayu tebelian.Tak rerangap orang ke laki sida sarumah meda pengering Sebai enggau Sinja,laban munsuh udah sedia ari dalam kota laban sida nemu bisi munsuh sigi atai kia diak alu disintak Sebai ilang Perawai diak Sinja alu nyintak ilang tenpan penalan.Tak engkeecit tudah Jantai ti matak kayau tak kasak ke Jantai kiba kanan munsuh tang bedau ga maioh dpeda alu meda kenya alu berlanda Sebai enggau Sinja agai Jantai alu sida tiga alu ngerawang munsuh ari pintu kota alu kabukai pen nyau bedurut nitih sida tiga.

Keno ko jerita tuai pemulih sida ia tiga to tadi nyau bedunjung bangkai munsuh laban Jantai disagu saduai ia ti nitih ke Jantai ari belakang,ba mimpi saduai ia,saduai ia mesti nyagu ke Jantai alu nulong ia tang saduai ia enda tau jadi enggau Jantai laban ti jadi sema salah siko saduai ia jadi enggau Jantai to saduai ia ka bebadi ti udah beranak ila.Kabuah ia laban Jantai to anak iru Kumang enggau Keling.Kelia meri nama dua iko indu to enda dsebut ba jerita tuai laban pungka lelaki maianya malu alah bulu ari saduai ia.Lebuh pulai ari ngayau ari menua munsuh diak Sebai enggau Sinja to ngemai pala munsuh naka pemaioh ngujung pungka lelaki maia nya malu ngambi ka saduai nyadi bini.
Sebai engauu Sinja to suah engau Jantai ngayau kin kia agi menya ngujung maia Sebai enggau Sinja ka belaki diak Jantai to nguji pungka lelaki ti ka nyadi laki saduai ia laban Jantai to kira menyadik
saduai ia ba dunya Panggau Libau ti di iru Kumang enggau Keling tang ba dunya nyata sida tiga kediri apai indai.Lebuh Sebai ngandung ke anak ia ketujuh iko diak rumah panjai sida diserang munsuh lebuh sida pungka lelaki nyau begiga pemakai kena ngintu gawai,keno ko jerita Sebai enggau Sinja ti baru ambis pantang ari beranak ti ngetan rumah panjai sida ia,tak alu engkecit Sinja alu nurun Sebai ngemai ilang Perawai enggau Nyabur Pegerumpang tak begetar tanah dindah meda Sebai mantai ke nyabur bisa nya tak ambis parai munsuh kira 30 iko tadi dpumpung saduai ia Sinja.Kira lemai ari nyau nyeraoh sida pungka lelaki ke datai begiga meda bangkai mensia ari sapiak tubuh bala munsuh nyau ambis rumpung nadai pala dkasak ke Sinja enggau Sebai.Bepun ari to meh Sebai beranak ke Bujang Berani Bujang Kempang Bujang Nindang ti beri penama Bedindang Umpang.Bedindang enggau madik Lintang to kala ngayau ke agai Bukit tinggi penimpai menua ti dkumbai kitai kediato Gunung Kinabalu ti ku pelaba meh laban nya aja bukit paling tinggi ti bisi ngembuan nabau biru agi kelia.Maia to saduai ia ngiga tisik nabau kena ngidup ke madik saduai Lintau ti kena sakit ampus keno ko jerita tuai.Keno ko jerita tuai lebuh Sebai parai laki diak Sebai enggai belaki agi ia alu ngajar bala anak ia ba penemu orang tuai,ba jerita tuai semua anak Sebai to beberita magang udah maia besai baka Lintau ti ensumbar Papau Jejuau ti nemu adat beburung enggau nemu nilik utai ka nyadi sereta nemu utai udah nyadi.Alu sida ari anak Sebai to meh kitai Iban nemu reti pemali ti maioh agi.Asal penama Pahlawan indu to ia nya Jati Pemegai Kayau Mua Ari alu Sinja tauka Bungai Meraka Pematak Menua,jerita ia to kala ditusi orang ketuai menya kelia nyentuk taun 1950 an tang sayau jerita to enda ditemu agi kediato.

Nakawaza Family in Sarawak.

 In this family photo,Ken is seen seated on his mother lap. The man at left was his father.That soldier was the father of Ken Nakazawa who was only a year-old toddler when the former left for Sarawak in 1942.Ken never saw his father before and all his life,he only heard about him but had no chance to talk to him.After the Japanese occupation, the four dark years of misery were quickly forgotten. Things changed with passing time as a new world order emerged from the ashes of war to reconcile victor and vanquished.In later years, the memory of his father brought Ken to Sarawak to live among the community that took his father’s life during the war. He came with good intention and genuine friendship.Today at 69, Ken Nakazawa is happy he has found a family at a longhouse in Kanowit District.He wants to die and be buried there.Ken was born in Tokyo in 1941. A year later, his father moved to Sarawak and became a general manager of a Selalang sawmill in what is now the central region. Little was known about the elde Nakazawa but Ken said his father fell in love with an Iban girl and they got married.In 1944, when the Japanese invaded Sarawak, his father was forced into the military to serve the emperor despite having no training. A year after joining, he was caught near a Roban longhouse in Betong. Both he and his wife were later killed by the natives and buried near there.It is said his wife was killed in defence of her husband. She had pleaded with their captors that he was not really a soldier.When the Japanese surrendered on Aug 15, 1945, Ken’s family in Japan received a letter about his father from the Japanese military, stating that he had died in Sarawak in service of the emperor.While in Japan, Ken had constantly thought about his father. He said if he could not see his face again, the least he could do was to pay his respects at his grave.
“I don’t know my father. My relatives tell me about him but I have never seen him before, so I decided to come to Sarawak to see his grave.Sixty-five years ago, my father died in this land.His spirit has brought me.”Ken was a university professor in Tokyo and on his retirement in the 1950s, went to live in Penang for 10 years. He was very active in community work,serving and helping the disabled there.

Jejak kasih Ken nakazawa membuah hasil bila terjumpa orang orang yang mengenali keluarga nya terdahulu.Menurut ken nakawaza ayahnya pergi berkerja meninggalkan mereka di Tokyo pada tahun 1941.Inilah gambar ken semasa kecil yang duduk diriba ibunya,menurut ken ayahnya berkerja di kilang sawmill selalang sebagai manager sawmill dan jatuh cinta dengan perempuan berbangsa iban yang membawa ayahnya terus berkahwin dengan perempuan tersebut.Semasa kemaraan tentera jepun ke sarawak,ayahnya telah menjadi rekrut tentera jepun secara paksaan tanpa latihan.Ayahnya menjadi tentera tidak terlatih,bila tentera Jepun mara ke Roban di Betong,ayahnya ditangkap di rumah panjang disana dan dibunuh oleh orang Jepun sendiri semasa itu oleh tali barut Jepun kerana di syaki memberi maklumat kepada ketua pahlawan Operasi Ant.Secara tidak langsung isterinya yang berbangsa iban terbunuh juga kerana mempertahankan suaminya iaitu ayah ken dari dibunuh oleh tali barut japanese.Selepas tentera Jepun menyerah kalah pada tahun 1945,keluarga Ken di Tokyo mendapat surat dari pihak tentera Jepun yang mengatakan ayahnya telah meninggal dunia di Sarawak dan memberitahu ayahnya telah dikuburkan di Sarawak.Kedatangan Ken ke Sarawak kerana ingin mengesan kubur ayahnya dimana dan mengatakan ingin mencari keturunan ayahnya yang telah mempunyai tali ikatan kasih dengan isteri ayahnya yang berbangsa Iban tersebut sebagai family baru nya di Sarawak.Ken menjadi seorang professor di salah sebuah university terkemuka di Jepun pada masa ini.Menurut Ken,dia ingin mati disini dan dikuburkan di Sarawak kerana ingin rohnya bersama roh ayahnya disini juga.Tanah air ku,tanah tumpah darahku,tanah tempatku mencari rezeki,tanah air ku yang tercinta,sanggup ku bergadai nyawa dari kehilangannya.

Jerita Kindau Nyadi Remaong

Jerita to amai nyadi maia taun 1960 an ba area Song din.Menya bisi siko lelaki ti bernama Kindau ti baru bebini tudah tuai alu dikangau tauke ngereja nyelato ba Sarikei laban maia musim kereja nyelato amai famous maianya.Nyadi Kindau nurun ningal tudah bini ia ke ngandung sebulan maia ia nurun.Atai ba Sarikei tudah tuai alu kereja nyelato.Laban maia nya agi maioh orang sama ngereja nyelato nyadi sama berambi ba hutan ti sama ngujung ke kayu nyau ka ambis alu tumu pagi sitek nya diak Kindau kediri aja nurun agai kampung mali ti enda kala dikereja ke orang kebukai.Diak Luat meda ia nurun kediri alu nanya ia kini penunga Kindau tadi,diak ia madah agai kampung mali tang Luat nagang ia laban kampung mali berantu ko Luat madah agai ia tang kindau enda peduli alu Kindau majak aja pejalai ia.Kira lemai peda Luat nadai ga meda Kindau pulai ke langkau ia nyau takah mendua ari diak Luat meda Kindau pulai ari kampung mali.Tang penyelai pemulai Kindau to sigi amai nyelai,maia malam kereja maia siang ari ia tindok pengudah ia pulai ari kampung mali.
Nyau bertakah bulan diak sida ke ngereja nyelato sama ka pulai magang tang Kindau enda kekebut ka pulai.Terima gaji Kindau naka penyampau maia nya bisi seribu lebih dollar(matawang kitai empai ditukar agai RM maia nya)..Diak Luat nanya nama Kindau pulai gawai ke enda tang Kindau madah enda pulai mina ngirum ambis gaji ia bisi 5 ribu dollar ia ba Luat awak bisi dikena bini meli utai.Pemulai Luat alu ngemai 5 ribu dollar tadi alu disua agai bini Kindau alu madah Kindau enda pulai.Bini Kindau nyau belai mata laban meda laki diri nda pulai gawai udah ga ia ngandung besai mina nganti bulan aja ka ngandung.Nyau pengambis gawai diak sida Luat pulai baru ka ngereja nyelato ba Sarikei.Atai di Sarikei alai kem ngereja nyelato diak ia meda Kindau tindok maia tengahari tang penyelai ia dapur ia penuh darah.Tak alit ati Luat meda utai bakanya.Luat alu beguai pulai ke langkau ia empu damping langkau Kindau.Bertaun taun udahnya,sida Luat pulai belama genap taun begawai tang Kindau enda pulai sekali pen ke rumah panjai,ia mina nemu rita bini ia beranak dua iko lelaki.Nyau bisi 5 taun Kindau enda pulai diak bini Kindau temasuk entua Kindau enggau apai indai Kindau empu nitih sida Luat pulai ke kem laban ka meda ka nanya nama kabuah Kindau enggai pulai ke menua agi.Nyadi atai ba kem ngereja nyelato diak sida alu ngangau ke Kindau tang Kindau enda nyaut laban ia tindok jenak maia tengahari.Meda kenya diak sida alu ngerumpang pintu langkau tudah Kindau ti ngujung sida terkenyit meda bilik Kindau nyau baka bekau dikeramak jugam  tang sida enda kibuh utai bakanya agi laban pedis ati meda Kindau lama enda pulai kemenua.Diak sida alu ngerak Kindau ti ngujung Kindau dani maia nya.Gamal tudah Kindau nyau beragum alu kurus dipeda sida ia.Sida alu majak nanya Kindau nama kabuah ia enggai pulai ke menua agi.Tang Kindau sitek leka jako pen nadai bermunyi ngujung entua Kindau alu nimbang tudah Kindau kira sarak nadai laya enggau anak ia,ia nya bini Kindau.Meda kenya diak apai indai Kindau alu mutus ati enggai ngambu Kindau agi anak laban pelaba sida ke diak Kindau to bisi bini kabukai laban takah beberapa tanjung ari kem sida ia bisi rumah panjai.Mesti Kindau bisi buya indu dara ba diak ko ruding bini ia sereta entua ia enggau apai indai Kindau empu berkenang ba diak.Diak Kindau mina neritik ai mata aja meda runding sida bakanya.Nyadi malam nya sida bini ia enggau entua sereta apai indai ia tinduk ba langkau Luat laban langkau Luat besai sereta enggai kiruh ke tudah Kindau.Dikangau Kindau makai sida ia tadi enggai meh bini Kindau,entua ia enggau apai indai Kindau agai langkau Kindau baru dahnya.Tumu pagi sitek diak janda Kindau,ex entua ia enggau apai indai Kindau nurun pulai ke Song kin.Puas tudah Kindau minta ampun agai bini ua sereta entua ia enggau apai indai ia tang sida nadai kiruh jako Kindau ti ngujung Kindau alu bejako baka to."Ooo sulu,Ooo apai Ooo indai ti baka to gaya kitak,mutus ati meh tudah aku kediato,bado meh kitai begulai dah to ila.Ooo suluu jaga manah anak tua naka ulih nuan.Nyadi to laluh duit ba aku to empu nuan,bai nuan pulai kena belanja anak tua jemah ila."udah Kindau alu nyabak beraie ngujung ia merung naka pemesai nyau terguyap pun kayu ti besai.Meda utai kenya diak bini ngambi duit ba uyut ti ka diberi Kindau tadi dengkah ba tisi bandir kayu,tak terkenyit bini Kindau meda pemaioh duit nyau penuh uyut mesai pemerap kitai kebesai enggau duit dulih Kindau ngelamato.Mudik sida bini tadi agai pasar Sarikei alu pulai ke Song.Pulai agai jerita Kindau tadi ba Sarikei.Nyadi pengudah Kindau nyerauh naka pengingar tadi diak Kindau nyabak ba langkau ia.Diak Luat tadi terdinga leka sabak Kindau baka to.
Kasih tudah aku,
Bini aku udah kekebu ningal ke aku,
Kasih meh aku,
Apai indai aku enda beguna ke aku,
Kasih meh aku,
Entua aku enggai nerima aku agi nyadi ke menantu,
Kasih meh aku,
Bangat alah bulu dibai antu,
Ku berpenti bekali beribu,
Sida ia nadai nemu tuju ku baka tu,
Ehhhh apai ehhh indai bangat ku dandai,
Oohhh sida entua dipeda baka temaga,
Ooo ambai ku sayau amai,
Bado meh kitai begulai,
Mutus ati meh aku dah to,
Nyadi bunsu remaong negung merong ngiga narong
batang ukong bersimpai besirong uchong.

Udahnya Kindau alu muka pintu maia nya alu bejalai beguai alu nyabak nyebut leka sabak bakanya tadi.Diak Luat nitih ari belakang ngujung datai ba kampung mali.Datai din Kindau alu ngirup ai burak baka ai susu diak peda Luat ti ngujung Kindau bebali nyadi remaong naka pemesai remaong nya ka mesai gajah siko dipeda ia.Diak Kindau terpeda ke Luat alu ngangau ke Luat semak ia agi tang Luat nyau  takut ngujung Luat enda tepansut ke leka jako.Meda bakanya diak Kindau bejako enggau Luat baka to."Nya unggal to meh meri aku enda ulih pulai kemenua agi laban aku nganti tubuh raja remaong ti mati dibunuh aku suba ba Bukit atas nya.Nyadi diato unggal ku udah nyadi remaong nyegenda enda ulih baka mensia agi,to meh kabuah aku enda ulih kemenua kitai kin laban aku disumpah raja remaong aku sigi munuh anak aku empu enti aku nginsit alu mindah ari menua to enti aku enda nganti penuduk ia nyadi remaong.Nya meh ku enggai pulai nganti anak ku besai baru ulih pulai kin laban sumpah nya ambis.Aku enda tau madah nama kabuah aku enda pulai agai kitak laban nya ngelanggar sumpah raja remaong,ti ku madah,ku alu bebali nyadi remaong alu makai kitak,tang diato ku udah ngirup ai tusu bini raja remaong alu aku nyadi raja remaong aku ulih madah ke kitak tang aku bado begulai agi enggau kitak.Diato unggal Luat enti dik pulai ke rumah panjai ,padah agai bini aku,entua aku,apai indai aku enggau anak aku,aku udah nyadi raja remaong ti nyaga menua Tinting Mengandai Tuai(endur menua mitos ba area Kalimantan),Bukit Bakak(sempadan Srwk enggau Kalimantan),Bukit Batu(Bario),Bukit Tinggi,enggau Gunung Kinabalu.Bado kitai begulai unggal bado meh tua ngasu bejalai beburu agi,bado meh tua ngetan bubu,tak naka aja meh tua begulai unggal."Kindau nyabak alu merap Luat,tang Luat agi rerangap sereta takut meda pemesai tubuh Kindau ti nyadi remaong,seretai Kindau negung diak baka lindap ari alu terebai meh Kindau nuju matahari alu nadai dipeda agi.Sari sitik diak Luat pulai bepadah agai Song kin alu pengudah bini Kindau,entua Kindau sereta apai indai Kindau ninga jerita Luat tadi diak sida sebilik nyabak magang ngenang penyalah diri ngukum Kindau bakanya.Tang nama daya utai udah nyadi ka pen enda tat ke aja meh.Bepun ari nya Kindau selalu ngenatai kediri meda anak lelaki ia tadi maia bulan keleman semina Luat aja nemu penatai Kindau maianya.Kira taun 1970 lbh knya anak Kindau udah besai mimit alu sida bini ia alu pindah ke menua bukai ngujung Kindau bado ngundang sida ia pengudah bini ia belaki baru ba menua bukai.Kindau to keno ko kenang niang inik suba sereta kenang aki tuai Kuling sigi selalu ngayan kediri agi taun 1990 kenya,maioh kitai Iban ditulong ia sesuba agi tang aku enda nemu sapa ditolong ia.Kindau bedau agi nyadi Raja Remaong nomor 6 ari semua Raja Remaong ti nguan menua bukit bukit sereta gunung kitai ba Sarawak din temasuk ba Sabah enggau Kalimantan.Jerita to ukai mitos jerita to ditusi niang inik suba laban niang aki Luat to petunggal sida inik ari aku suba..Penama asal di ubah aku kena aku ngelalai orang ngempu jerita sereta peturun Kindau to.

Jerita Sungkup Ngagai Mensia.

Lari ke ujan tetemu ke lubang pedian lari ke sungkup tetemu ke pendam.Nyadi kelia ba Batang Kapuas bisi apai tuai siko ti bernama Gindam,nyadi Gindam to sekali kumai alu bermalam enggau anak bini ia ba langkau umai ti bejalai nyau ngalih ari baru atai.Maianya dunya bisi aman mimit nadai siga endar.Nyadi pagi nya dani diak Gindam ngabas bubu,naka meh pengaga ati ia meda bubu ia bulih amai,meda kenya ia gaga at naka pengaga,nyadi maianya ia terpeda ke sida sarumah ia nya Sandai enggau Peragi,ti benung pulai ari ngabas umai ari ulu umai Gindam.Diak Gindam reraoh ngangau ke seduai ia ngasuh ngalu niki ke langkau sama enggau ngintu utai ulih bubu ia.Udah tembu ngintu utai ulih bubu Gindam alu bini ia Sinak enggau Peragi mandok lauk nyadi anak Gindam teranggap ja ngipung tunu ikan palau enggau ikan semah,nyadi Gindam enggau Sandai sama ngirup tuak betabas ke tunu ikan,diak Gindam nyau teringat ke bubu ia ba pemendai ia diak empai dabas agi,diak ia madah ke ngabas nya dulu lebuh meda bini ia ngau bini Sandai nyau ka berenah makai diak Gindam madah anang guai dulu laban ia ka nurun ngabas bubu dulu ko ia,tang lebuh ia nurun bini ia reraoh ngangau ke ia nego dulu asi enggai ke punik,ia madah nadai ngacau ko ia laban ia damping ngabas bubu nya.Tang lebuh ia ngabas bubu tak ngenyit ari ujan nyala ke tengahari. Lebuh Gindam atai dirumah ngemai asil ulih bubu tadi diak tak gesak gesak madah diri parai datai ba langkau umai.Nama agi deh tak parai nadai ngajar leka jako ke bini anak meh ia tadi.Diak Sandai nyau temati kutu meda utai bangat nyelai nya.Meda kenya Sandai ngasuh bini Peragi enggau Sinak nguan bangkai Gindam laban Sandai ka berpadah kerumah panjai ti madah Gindam ti udah mati alu ngemai sida sarumah baum ngubur ke tubuh Gindam.Ngenang jerita Peragi enggau Sinak tadi,enda mukai mukai ari ujan balat mai,diak saduai ia berasai nyau enda nyamai ati majak bulu pegok niki kepala,diak enda mukai mukai diak seduai bisi ninga orang ngangau ti nanya tau tiki ke enda langkau saduai ia,diak Peragi nyenguk meda baka gamal Sandai enggau bala ke bukai bisi 4 iko sida ia tadi tang enda dikelala gamal.Niki meh ko Peragi,laban langkau umai sida to besai diak bala ti nyamar mua baka Sandai nya tadi ngintu tubuh Gindam tang penyelai ia orang to baka nusu ngau nginsap tubuh Gindam nyau meriur meriur sida to tadi meda tubuh Gindam,diak Peragi nganu sida to ngujung
sida to bado kenya,tang pegelansik runding Sinak to nemu utai nyelai nyadi alu ia ngerempung anak ia enggau ia ba dapur din,sereta ngangau ke Peragi ke dapur kin,diak Sinak alu narit jari Peragi madah utai nyelai nyadi,diak orang ti sebaka nunda gamal Sandai ngangau ke saduai ia ngasuh meri ai tuak agai sida ti lelak ngintu pemati Gindam,diak Peragi enggau Sinak nyampur ipoh enggau ai tuak tadi ngica ke orang nya mati ko Sinak.Udah Peragi meri tuak agai bala sida ia diak alu geguai ia lari naban ke anak Sinak kebukai belalai ba baruh rumah,nasib baka ke nemu bala anak Sinak tak nadai bemunyi sida ia belalai ba rumah lalu seduai ngusut tubuh sida ngena daun bau kentut ngica nadai bau tubuh mensia.Maianya Sinak bisi anak mit berumur dua taun ti bedau tindok di ema ia tadi.Kira enda lama udahnya dinga baru ga bala orang nya ngangau ke Peragi tang Peragi enggai nyaut laban ia meda utai nyelai nyadi.Meda saduai dkangau nadai nyaut diak saduai nyau ninga utai baka mensia makai utai,ninga orang netak utai meh saduai ia,ngujung Sinak nyau ka nyeraoh meda darah labuh baka ai ujan ari atas langkau tadi,diak Peragi nilik ari geregar buluh perin tadi diak nyau terpeda sida 4 iko to benung makai tubuh Gindam ti udah parai tadi.Peda ia sida to baka netak babi bebagi tubuh Gindam to tadi.

Enda mukai mukai anak Sinak ke mit tadi nyabak ngujung bala antu ba atas tadi nyau baos ngiga munyi nya.Meda baka nya alu lari meh Peragi enggau Sinak to tadi enda bapai enda meindai ngemai anak Sinak to tadi.Antu to majak ngagai sida sabuat ia ngujung ba atai ba tanjung ai sungai diak Peragi teterap nyau ka dulih antu nya Peragi enti Kedie enda jampat nyimpung jari antu nya tadi nasib keno ke jerita tuai Kedie maia to pulai ari ngabas panjok ngujung Kedie alu naban ke jari antu to lari enggau sida ia,tak capuh utai atai ari ulu diak Kedie terkenyit meda sungkup ti di tepan antu 3 iko nitih ari dudi,kedulu tadi tembu reraoh madah diri pedis.Nama agi deh lari meh sida sabuat,makin laju gik sungkup dtepan sida empat tadi nitih sida Peragi,Sinak enggau anak ia sereta Kedie,nasib atai ba rantau diak sida tetemu ke sida Sandai ti amai enggau bala kebukai ti atai ngesah pemati Gindam tadi,nama agi tak reradak meh Peragie nusi jerita ngujung ia enggau Sinak nyau luput lalat laban kelalu lelak ngelari kediri empu ari antu tadi,diak bisi manang kitai Iban ti bernama Uban Sedingan ti nemu ngadu pengawa utai baka diak alu nganti sungkup to tengah lubuk ari ulu rantau nya,dinga utai atai ari ulu nyau bergelemang ai nyau baka dipangka ke nitar utai atai ari ulu,diak manang Uban alu muka puchau muka alau muka sintau diak engkecit Tarang tuai kayau alu berekak enggau antu nya
tadi,ngujung antu nyau ambis pecah pala nyau parai ngujung sida antu empat iko parai alu dtepo ba lungun nya tadi alu lungun nya tadi alu di tanam aki manang Uban Sedingan ba lubang ulak musin ba lubuk nya.Pulai gai Kedie tadi ti naban ke jari antu nya tadi,nyadi keno ke jerita tuai Kedie to beberita amai udah bulih jari antu to tadi laban ia dsumpah raja antu Buya ngasuh ia berani ari ke udah sereta Kedie tau berubat,semua mensia ti kacau antu ambis dperubat ia ngujung ia dgelar aki manang Bedindang Seterang Ngempang.Ba jerita tuai ia to meh manang ti paling bisa maianya kelia,laban jari antu dsimpung ia nya jari ucu Sempulang Gana ti di curi antu megga raya.Sebedau Aki manang to mati diak ia bepesan agai semua purih kitai Iban enti kitai ka ngaga pengawa nya kitai nego dulu enti ka ngereja utai bukai dulu.Baka kitai ka makai tang enda nyadi laban bisi utai dkerumban kitai dulu,tau nego dulu kitai asi laban enggai ke punik,"nyengkau mimit alu suap ke mulut,tauka nego ngecar ke jari ba pinggai asi pen tau sereta tau nego ari kaban ti udah nego dulu ari kitai enti nyau ngilah alu enda ingat nego kitai jampat bersampi baka to."Dah kie dah kie enggai ke punik,ptuiiii,nadai ku punik udah ku nego tadi (ngludah ke tanah)".Ba penemu tuai utai to sigi amai kaban,ba kampung puang utai to mesti dititih au.Amai ku sembiang tang enti ba kampung puang sigi nego bakato aku laban ku kala meda bakih aku Melayu Sarawak empu nyau meriur bubur nasib jampat ditawar aki tuai rumah Katibas nya,anang macam macam ba kampung puang ka kuat ni beragama alah meh pemisa nya ti kitai masuk ke dunya sida ia baka kampung puang nya.Keni komen nuan kaban udah maca jerita to?Amai tauka enda kitai mesti nego enggai ke punik baka to.

Jerita Depa Pungka Lelaki Menaga

Beratus taun ti udah,ba menua Sungai Tisa Yong alai pemindah bala Iban ari Tapang Lancham diketuai Jubang ngau Tinggie mindah agai ari ili Nanga Sewong ba sungai Nansang.Ba diak kitai iban berumah panjai naka pemaioh,ambis emperan alai berumah panjai,seberai seberai bisi aja rumah panjai agi kelia.Nyadi bisi apai tuai siko ti bernama Sindau ti ngembuan anak ti bernama Depa Bungai Menaga sereta menantu ke laki ti bernama Sulau.Nyadi kelia bedau agi siga alu suah bansa Ukit ngayau bala Iban ba Ulu Katibas alu sida Ukit pulai agai Bukit Bakak kin agi kelia.Nyadi lebuh maia lebuh bala iban bumai beduruk agi menya suba,nyadi tudah Sadai petunggal Depa tu enggai enggau orang beduruk laban ke ngumbai diri purih berani purih kebal alu ngenati kediri bumai saduai ia melaki bini.Lebuh orang kabukai pulai bumai maia ke tengahari nya diak Sadai enggau bini ia entudi sida ia tang bertakah setanjung ari sida kemaioh nya tadi.Meda kenya bini ia ngemai ia jampat agi nitih ke sida nya tang Sadai ngasuh ia dulu laban Sadai agi tembu nyumpit burung maia pulai lemai tadi.Lebuh Sadai nyumpit diak ia alu bersatup enggau siku bansa Ukit ti naka pemesai nya nyau bisi tubuh ia disema sida niang aki nyau besai mimit ari pintu kitai kediato.Peningi ia nyau juau juau sereta bepala besai.Sadai ulih dibunuh bansa Ukit keno ko niang aki nusi agai aku.Alu bini Sadai alu belalai alu bepadah ke rumah panjai madah ke laki diri mati dipumpung bansa Ukit nya tadi agai sida sarumah tadi.Nama agi deh alu engkecit Depa ke tanah alu berlanda nitih maia lemai nya.Peneras Depa bejalai enda ulih napat peneras pejalai bansa Ukit ko niang aki nusi.Alu disidik Depa pejalai bansa ukit nya ari tadi alu terengkah ba wong sitik wong ti tinggi amai baka dinding wong nya ko niang aki nusi.Datai diak laban bunyi ai betekeraoh labuh diak Depa lama ngetu diak laban bekau kaki bansa Ukit nya nadai ditemu ia agi.Nyau pemuas ia engkening utai diak ia meda asap ba atas punjung wong tinggi tadi.Diak Depa alu begadai gadai nyubuk katas alu tepeda ke bansa Ukit naka pemesai nya ti benung nunu ikan alu makai upa panto nyau rerangah duduk melakang ke tanah seberai alai Depa belalai.Diak Depa alu nurun begadai gadai ari tanah seberai nda mukai mukai sarung ilang ia terpantup ba batu,peda Depa alu dedegi tubuh bansa Ukit nya angkat ari penuduk ia tadi alu pala ia geginau merening utai kin kia,Depa enda engkebut ba bandir kayu ensurai alai belalai tadi.Laban ba atas wong nya pabo diak kecap kecap ai dirup bansa Ukit nya tadi angka berumban ngirup ai dulu laban aus makai empasa tunu,panto tunu enggau ikan tadi.Diak Depa berunding tak pama mensia tu ko ati Depa,ai wong labuh naka pengingar nya tang pending bansa Ukit tu naka ngelansik nya ninga sarung ilang ia terpantup ba batu tadi.Diak Depa berunding,ia nguji nuku bansa Ukit nya ngena batu,alu dituku Depa bansa Ukit ngena batu mesai pah tak ngam amai alu ngena pala ia diak bansa Ukit nya tadi alu ensanyar alu nanam diri ba batu besai tadi,diak alu nyeraoh naka pengingar nya ngalah ke munyi terutu ai wong labuh kebaruh kin.
Meda bakanya alu diak bansa Ukit tu mangkas alu ambis batu ditempalong ia kin kia laban pedis ati ditundi orang bakanya ngujung Depa pansut ari bandir pun kayu ensurai tadi alu besatup seduai alu bamuk naka pemalat nya kenu ko niang aki nusi.Ba atas wong nya kediato agi bedau bekau pantap ilang bansa Ukit ti besai nya.Alu agi bedau bekau jari bansa Ukit nya ba batu ka nampar dada Depa sereta bekau tumbuk ia agi bisi ba batu diak.Alu bejamah alu berpantap sereta berpangka ke pangan diri meh saduai keno ke jerita niang aki suba nyau bisi semalam saduai ia berekak,ari lemai kemari nyentuk ke pagi sitik saduai ia agi berjamah nadai nemu bado berekak laban sama kering sama kebal sama pemberani,tang ke pagi nya Depa nyau lepi laban enda makai tengahari kemari tang ia benasib manah laban ipar ia Sulau bisi ngesah nitih ia kulu kin.Datai ipar Sulau alu engkecit alu nyamah bansa Ukit tadi tang bansa Ukit agi kering nadai rusik nadai lepi semina nyau majak agi kering ari saduai ia.Meda bakanya diak Sulau alu nerajang bansa Ukit nya tadi alu maianya ilang bansa Ukit tebeleka alu berlanda Depa ngambi ilang nya tadi seretai nya ia alu ngamuk bansa Ukit nya tadi nyentuk ka datai ba pengelabuh ai ari wong nya tadi diak Depa alu nyimpung pala bansa Ukit nya tadi ngujung lesi meh tudah asie lesi naban ari nadai agi meda mua ari.Alu putus meh pala bansa Ukit tadi alu tubuh ia ditumpu Depa kebaruh kin ngujung tubuh bansa Ukit tu tadi labuh alu ninggang batu ba baruh wong din tadi.Alu manjung meh Depa meda bulih pala mensia naka pemesai nya,bulih pemesai pala nya mesai sintong dara ko niang aki nusi suba.Pengudahnya bala bansa Ukit alu pindah jauh agi alu badu ngacau kitai Iban ba Ulu Tisa agi kelia.Nyadi bertaun udahnya bisi sekali sida Depa bejalai ngasu kulu kin baru alu terpansa ke wong alai ia munuh bansa Ukit suba diak sida ia meda tubuh Ukit ke labuh merap batu baruh wong din udah nyadi pun kayu ti tinggi sereta sama pemela peninggi enggau wong nya.Nyadi sesuba agi niang aki kala kia ngabas kayu tu.Agi menya kayu tu nyadi cukup manah amai dambi nyadi pencelap bilik.Mina orang nemu ngadu siang kulit kayu tu aja ulih nemu guna nya.Pemindah Iban ari Tisa ketegal penyakit samah ngujung menua Tisa ransi nadai mensia agi ba diak menya suba,berpuluh puluh iku bujang berani,dara bajik tampak rita,pungka lelaki berani,pungka indu chunggai ngaga pengepan lenyau lesi ba menua Tisa tu agi kelia.Beratus ratus kubur orang berani agi nadai ditemu ba menua tu.Agi menya menua Tisa tu dikumbai Rajah Brooke "The Death Forest tauka Land Of Death" laban menua tu kelia penuh enggau orang berani tampak rita agi kelia suba sereta pengudah penyakit Samah tu munas ke Iban berani ba menua tu ngujung menua tu dikumbai madik Rajah Brooke,The Lonely River Of Death.Nyadi pengudahnya bala Iban ke agi idup alu mindah ari nya alu bisi keduak pulai agai menua lama ba Laja Entimau enggau Tapang Lancham alu keduak bisi pindah agai Batu Tinggie ba Ulu Yong,alu melunggang agai Bukit Guram alu bejalai terengkah ba Sut Balleh,ari Sungai Sut bala Iban alu pindah agai Batang Rajang alu mudik ke Mujong kulu alu keduak ia tinggal ba Mujong alu keduak melunggang mindah agai Nanga Enceremin,sebengkah ngulu sungai Sut alu beserara alu keduak melunggang ke Puro Gaat,Balleh.Ba kenang aki tuai aku nusi nyadi Sungai Sut tu diberi penama sungai Sut laban ba ditu bala kitai Iban bisi penyarut ti ngujung kitai Iban alu pambar betuai kediri empu.